დღეს საქართველოს საკონსტიტუციო სასამართლოს თავმჯდომარის მოადგილე, მანანა კობახიძემ ლიეტუვის რესპუბლიკის ელჩს საქართველოში, ანდრიუს კალინდრას უმასპინძლა. აღნიშნულის შესახებ ინფორმაციას საქართველოს საკონსტიტუციო სასამართლო ავრცელებს.

ინფორმაციის თანახმად, შეხვედრაზე მხარეებმა საქართველოსა და ლიეტუვის რესპუბლიკის საკონსტიტუციო სასამართლოებს შორის თანამშრომლობის საკითხებზე ისაუბრეს, როგორც ორმხრივ, ასევე მრავალმხრივ ფორმატებში, ლიეტუვის რესპუბლიკასა და საქართველოში საკონსტიტუციო სასამართლოების უფლებამოსილებათა მნიშვნელობაზე.

„ასევე, ყურადღება გაამახვილეს სასამართლო ხელისუფლების როლზე, სახელმწიფოს ევროინტეგრაციის განხორციელების გზაზე და ევროპული პერსპექტივის მინიჭების თაობაზე.

ანდრიუს კალინდრამ საქართველოს ევროპული მისწრაფებებისა და ამ მიმართულებით განხორციელებული რეფორმების მიმართ, მხარდაჭერა გამოხატა“,-წერია ინფორმაციაში.