საქართველოს პარლამენტის შენობის წინ აქცია - „არა გარუსების პოლიტიკას" მიმდინარეობს.

აქციის მონაწილეები ბათუმის პორტში საკრუიზო გემით „ასტორია გრანდე" რუსი ტურისტების შემოსვლას აპროტესტებენ.

პროტესტის ნიშნად, აქციის მონაწილეებმა პარლამენტის წინ რუსეთის სახელმწიფო დროშები დაწვეს.

როგორც აქციის მონაწილეები აცხადებენ, საკრუიზო გემით ჩამოსული რუსი ტურისტების ნაწილს „ოკუპირებული ტერიტორიების შესახებ“ კანონი აქვთ დარღვეული და ისინი საქართველოს სუვერენიტეტსა და ტერიტორიულ მთლიანობას პატივს არ სცემენ.