სადაზღვევო კომპანია „ალდაგის“ პრემიუმ ბრენდის „პრიმოს“ მხარდაჭერით, „პორშე ცენტრი თბილისმა“ More Luxury კონცეფციით, მესამე თაობის Porsche Cayenne-ის უახლესი მოდელი წარადგინა,- ინფორმაციას „ალდაგი“ ავრცელებს.

მათი ცნობით, პრეზენტაცია თბილისის ოპერისა და ბალეტის თეატრში შედგა.

კომპანიის ინფორმაციით, „პრიმო“ „ალდაგის“ პრემიუმ ბრენდია და საქართველოში პირველი პერსონალური სადაზღვევო მომსახურებაა, რომლის ფარგლებში დაზღვეული ავტომობილის მფლობელს ჰყავს პირადი მენეჯერი „ალდაგში“ და სარგებლობს ექსკლუზიური პირობებით დაზღვევაზე, მათ შორის - ავტორიზებულ სერვის ცენტრებში მომსახურება 5 წლის განმავლობაში, კონსიერჟის მომსახურება.

„პორშეს ცენტრი თბილისის“ ღონისძიებები ჩვენთვის, ყოველთვის, საინტერესო და მნიშვნელოვანია და მოხარულები ვართ, რომ კიდევ ერთხელ მოგვეცა შესაძლებლობა, ჩვენი მხარდაჭერა გამოგვეცხადებინა. დღეს, წარმოდგენილი ვართ, „ალდაგის“ პრემიუმ ბრენდით - პრიმო, რომელიც პერსონალური სადაზღვევო მომსახურებაა და ინდუსტრიისთვის სიახლეა. „პრიმოს“ სერვისით, ვცდილობთ, კიდევ უფრო მეტად მოვერგოთ მომხმარებლების საჭიროებებს, რომელიც არაერთ სპეციალურ შეთავაზებას და განსხვავებულ პირობას მოიცავს. მათ შორისაა, პერსონალური მენეჯერი, კონსიერჟ სერვისი და სხვა,“- განაცხადა „ალდაგის“ საზოგადოებასთან ურთიერთობის განყოფილების უფროსმა ქეთევან მაღალაშვილმა;

„ალდაგის“ ინფორმაციით, Porsche Cayenne-ის, მესამე თაობის, უახლესი მოდელის გაყიდვები, საერთაშორისო მასშტაბით, ერთსა და იმავე დღეს დაიწყო. განახლებული მოდელით, „პორშემ“, მის მიერ წარმოებული პრემიუმ კლასის ავტომობილები უფრო მაღალ საფეხურზე აიყვანა.