საქართველოს ბიზნეს ასოციაცია მიესალმება ეროვნული ბანკის გადაწყვეტილებას საპროცენტო განაკვეთის შემცირებასთან დაკავშირებით

საქართველოს ბიზნეს ასოციაცია მიესალმება ეროვნული ბანკის გადაწყვეტილებას საპროცენტო განაკვეთის შემცირებასთან დაკავშირებით.

როგორც ასოციაციის განცხადებაშია ნათქვამი, „იმ ფონზე როდესაც ინფლაციის მაჩვენებლები უკვე სამიზნეზე დაბალია და ინფლაციის მოთოკვის თვალსაზრისით ვითარება ნორმალიზებულია, აღნიშნული გადაწყვეტილება დროული და გონივრულია.

„ასევე ძალიან მნიშვნელოვანია, რომ გარდა მიმდინარე გადაწყვეტილებისა, წარმოდგენილია საშუალოვადიანი პროგნოზიც, კერძოდ, წლის ბოლოს 9.5%-მდე განაკვეთის შემცირებასთან დაკავშირებით, ხოლო მომდევნო პერიოდში, ნავარაუდევია დაახლოებით 7%-იან ნეიტრალურ დონემდე განაკვეთის დაწევა.

საპროცენტო განაკვეთების თანდათანობითი შემცირება, თავისთავად მნიშვნელოვანია ბიზნესისთვის, რადგან ერთის მხრივ, იზოგება ხარჯები, მეორეს მხრივ, კი აღნიშნული უფრო მეტი ოპტიმიზმის საშუალებას იძლევა, ქმნის პოზიტიურ განწყობებს და სიგნალს აძლევს ბიზნესს, რომ დამატებით მოიზიდოს საინვესტიციო კაპიტალი.

შესაბამისად, ზემოხსენებული გადაწყვეტილება, განსაკუთრებით პროგნოზის გათვალისწინებით, ვფიქრობთ, რომ წაახალისებს ბიზნეს აქტივობას, შექმნის მეტ სამუშაო ადგილს, გამოიწვევს მეტ დაკრედიტებას და რაც მთავარია, ხელს შეუწყობს ჩვენი ქვეყნის ეკონომიკის შემდგომ ზრდას.

აქვე მიგვაჩნია, რომ მონეტარული პოლიტიკის შერბილება, სხვა თანაბარ პირობებში, არ და ვერ გამოიწვევს ლარის გაუფასურებას, ვინაიდან მაკროეკონომიკური პარამეტრები მნიშვნელოვნად გაუმჯობესებული და ძლიერია, მათ შორის სტაბილურია სავალუტო შემოდინებები. ასევე მივესალმებით, საჭიროების შემთხვევებში, ორმხრივ სავალუტო ინტერვენციებს, რადგან ყველას კარგად უნდა გვესმოდეს, რომ ლარის სტაბილური კურსი ეკონომიკურ გარემოს ბევრად უფრო სტაბილურს, პროგნოზირებადს და განჭვრეტადს ხდის. ამის ძალიან ნათელი და ცხადი მაგალითია ბოლო პერიოდში გამყარებული და სტაბილური ლარის კურსი, რამაც ბიზნესის განწყობებზე, მოლოდინებზე და შესაბამისად ეკონომიკური ზრდის პარამეტრებზე განსაკუთრებულად პოზიტიური ზეგავლენა მოახდინა"- ნათქვამია საქართველოს ბიზნეს ასოციაციის განცხადებაში.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 13.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს