სოციოლოგიის სამაგისტრო და სადოქტორო პროგრამებისათვის, 11-21 სექტემბერს ილიაუნის ხარისხის უზრუნველყოფის სამსახური ფოკუს-ჯგუფებს ატარებს პროგრამის კურსდამთავრებულთა პოტენციური დამსაქმებლებისათვის. ამის შესახებ ინფორმაციას ილიას სახელმწიფო უნივერსიტეტი ავრცელებს.

მათივე ინფორმაციით, ფოკუს-ჯგუფების ხელმძღვანელი ემზარ ჯგერენაიაა.

„აღნიშნულის ფარგლებში, გვაქვს სურვილი მოგიწვიოთ აღნიშნულ შეხვედრაზე, როგორც პოტენციური დამსაქმებლები. ფოკუს-ჯგუფი ჩატარდება ონლაინ. მიგვაჩნია, რომ ეს საკმაოდ მნიშვნელოვანია ორმხრივი თანამშრომლობისათვის, რომელიც გვეხმარება ჩვენი საგანმანათლებლო პროგრამების დამსაქმებელთა მოთხოვნებთან მაქსიმალური თავსებადობის უზრუნველყოფაში.

მოხარული ვიქნებით თუ გექნებათ ფოკუს-ჯგუფში მონაწილეობის შესაძლებლობა. ასეთ შემთხვევაში კი, გთხოვთ, 8 აგვისტოს ჩათვლით დამიდასტუროთ მონაწილეობა. დასტურის შემდგომ უკვე შევთანხმდებით კონკრეტულ თარიღსა და დროზე (ოფციებს შემოგთავაზებთ), აგრეთვე ფოკუს-ჯგუფში მონაწილე წარმომადგენელს გავაცნობ აკადემიურ პროგრამ(ებ)ს. ფოკუს-ჯგუფის სავარაუდო ხანგრძლივობა: 1 საათი“,-აღნიშნულია ინფორმაციაში.