გია ცაგარეიშვილი - წარმოუდგენელია ამგვარი ბუნებრივი კატასტროფის აცილება, 5-დან 7  მილიონ კუბმეტრამდე ნატანია ჩამოტანილი - როგორ უნდა აღუდგე ამას წინ ან ამის პროგნოზირება როგორ უნდა მოახდინო

წარმოუდგენელია ამგვარი ბუნებრივი კატასტროფის აცილება. 5-დან 7 მილიონ კუბმეტრამდე ნატანია ჩამოტანილი. როგორ უნდა აღუდგე ამას წინ ან ამის პროგნოზირება როგორ უნდა მოახდინო? - ამის შესახებ ჟურნალისტებს შოვში, სტიქიის ზონაში მყოფმა პარლამენტის გარემოს დაცვისა და ბუნებრივი რესურსების კომიტეტის წევრმა გია ცაგარეიშვილმა ჟურნალისტებს განუცხადა.

მისი თქმით, ყველაფერი მოულოდნელად განვითარდა და მოწყვეტის წერტილიდან ე.წ. კოტეჯების დასახლებამდე მასა რამდენიმე წუთში ჩამოვიდა.

„უამრავი მეწყერი, ღვარცოფი მინახავს, მაგრამ მსგავსი რამ არც წარმომედგინა თუ შეიძლებოდა. წარმოიდგინეთ, ქვა-ღორღის უზარმაზარი მასივია განფენილი, ფაქტობრივად, მთელი შოვის ტერიტორიაზე, წამოსული ნატანის სიმაღლე დაახლოებით 3-დან 5 მეტრამდეა, რომ წარმოიდგინოთ რამხელა მასშტაბებზეა საუბარი. ეს ყველაფერი მოხდა მყისიერად ანუ მოწყვეტის წერტილიდან ე.წ. კოტეჯების დასახლებამდე ეს მასა ჩამოვიდა რამდენიმე წუთში. დადასტურებულად შეგვიძლია გითხრათ ჩვენი ჰიდროლოგების, გლაციოლოგების და გეოლოგების მონაცემებზე დაყრდნობით (მათ რამდენიმეჯერ იფრინეს ვერტმფრენით ხეობაში), რომ იქ მოწყვეტილია ძალიან დიდი მყინვარი, უზარმაზარი ნაჭერი, რომელიც ძალიან სწრაფად დაეშვა დამრეც ფერდობზე, იყო რამდენიმე დაგუბება, დაგუბებამ გამოიწვია ის, რომ ნატანის მასა ერთი ასად გაიზარდა, შემდეგ ამან გახეთქა ეს ჯებირი და პირდაპირ დაბლობისკენ - პანსიონატისკენ, „სანსეტ შოვისკენ“, კოტეჯების დასახლებისკენ დაეშვა და წალეკა ყველაფერი, რაც კი გზაზე იყო. კიდევ ერთხელ ხაზს ვუსვამ, ეს განვითარდა ძალიან მოულოდნელად, რამდენიმე წუთში, 3-5 წუთში ყველაფერი დასრულდა“, - განაცხადა გია ცაგარეიშვილმა.

რაც შეეხება განცხადებებს იმის შესახებ, რომ შესაძლებელი იყო ამ ტრაგედიის თავიდან აცილება, გია ცაგარეიშვილის თქმით, ასეთი სტიქიური კატაკლიზმების წინააღმდეგ ბრძოლა ფაქტობრივად წარმოუდგენელია.

„ძალიან კარგად ვიცი, რისი აცილება შეიძლება და რისი არა. ამაზე ჩვენ ყოველთვის ხმამაღლა ვსაუბრობდით. იმ პრობლემებზეც ხმამაღლა ვსაუბრობთ ხოლმე, რომელიც თან ახლავს ამ პროცესების, ბუნებრივი კატასტროფების პრევენციას ქვეყანაში და ამ მიმართულებით ამ წლებში უამრავი რამ გაკეთდა. არ ვიქნები თვითრეკლამირებით და მთავრობის რეკლამირებით დაკავებული. ახლა ამის დრო ნამდვილად არავის აქვს, მაგრამ ამგვარი ბუნებრივი კატასტროფის აცილება არის წარმოუდგენელი. წარმოუდგენელია 5-დან 7 მილიონ კუბმეტრამდე ნატანია ჩამოტანილი. როგორ უნდა აღუდგე ამას წინ ან ამის პროგნოზირება როგორ უნდა მოახდინო? რეგიონში, მთელ ევროპაში უყურებთ რა მდგომარეობაა, ჩინეთში საშინელი სტიქიაა, ყველგან ჩვენ სამეზობლოში საშინელი სტიქიური მოვლენები ვითარდება, თურქეთში, ა.შ. პლანეტაზე დაწყებულია შეუქცევადი კლიმატური ცვლილებები. თუ ჩვენ გონს არ მოვეგებით, ძალიან მძიმე მომავალი შემიძლია ვუწინასწარმეტყველო ზოგადად პლანეტას და მის მოსახლეობას. ასეთი სტიქიური კატაკლიზმების წინააღმდეგ ბრძოლა, ფაქტობრივად, წარმოუდგენელია. კაცობრიობამ რაც დათესა, იმას იმკის, პირდაპირი და გადატანითი მნიშვნელობით ვამბობ. რეგიონში კავკასიის მთელ ქედზე გაყოლებით, დაწყებული აფხაზეთიდან, დამთავრებული კასპიის ზღვამდე, კლიმატური ცვლილებებია. ძალიან დიდი კატაკლიზმებია დაწყებული, ბუნებრივი ფერდობების ჩამოშლა, ნიადაგების დეგრადირება, მყინვარების დნობა, აქ არის კატასტროფული შედეგი რამდენიმე კილომეტრში, თქვენ იხილეთ. ვფიქრობ, ამ მოვლენებზე ყურადღებაც უნდა გავამახვილოთ ამ მოვლენებზე და ყველანაირად შევეცადოთ, მეტ-ნაკლებად დავაზღვიოთ“, - განაცხადა გია ცაგარეიშვილმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)