გიორგი ვაშაძე - ის, რომ დღეს გვაქვს პერსპექტივა გავხდეთ ნატო-სა და ევროკავშირის წევრი, რეგიონის ლიდერი სახელმწიფო, უპირველესად ჩვენი გმირი ბიჭების დამსახურებაა

„სტრატეგია აღმაშენებლის" თავმჯდომარემ გიორგი ვაშაძემ და პარტიის სხვა წევრებმა მუხათგვერდის ძმათა სასაფლაოზე 2008 წლის ომში დაღუპულ გმირებს პატივი მიაგეს და მემორიალი გვირგვინით შეამკეს.

ვაშაძის თქმით, ქართველი მებრძოლების როლი უდიდესია საქართველოს მთლიანობის შენარჩუნებაში და საქართველოს აქვს შანსი იყოს - ერთიანი ძლიერი, დასავლური ცივილიზაციის ღირსეული წევრი.

„7 აგვისტოს თავს დაგვესხა რუსეთი, ეს არის უკვე მსოფლიოს მიერ აღიარებული ფაქტი, მითუმეტეს, 2014 წლის ყირიმის ანექსიისა და ახლა უკრაინაში მიმდინარე ომის შემდგომ, ყველამ დაინახა, რომ რუსეთი არ გაჩერდა მხოლოდ საქართველოზე თავდასხმით.

ის, რომ დღეს გვაქვს პერსპექტივა გავხდეთ ნატოსა და ევროკავშირის წევრი, რეგიონის ლიდერი სახელმწიფო, უპირველესად ჩვენი გმირი ბიჭების დამსახურებაა. სწორედ ამიტომ ამ პატივისცემის დასტურად ვარ დღეს მე აქ. ყველამ უნდა ვიცოდეთ, რომ ძლიერი საქართველო არ აშენდება ამ და სხვა უამრავი გმირი ბიჭების შესაბამისი დაფასებისა და პატივისცემის გარეშე. საქართველო იქნება ერთიანი, საქართველო იქნება ნატოსა და ევროკავშირის წევრი უსაფრთხო ქვეყანა.

დიდება გმირებს! დიდება საქართველოს!

საქართველოს აქვს ძალიან დიდი მომავალი და ამ გმირების წვლილი არის ძალიან დიდი და სწორედ ამ ფუნდამენტზე უნდა ავაშენოთ ერთიანი, ძლიერი, ევროკავშირისა და ნატო-ს წევრი საქართველო", - განაცხადა გიორგი ვაშაძემ, რომლის კომენტარსაც პარტიის პრესსამსახური ავრცელებს.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)