ესტონეთის პრემიერი - საქართველოს ტერიტორიის 20% კვლავ ოკუპირებულია - ჩვენ უნდა დავასრულოთ რუსეთის აგრესიის ციკლი
უნდა დავასრულოთ რუსეთის აგრესიის ციკლი. ესტონეთი აგრძელებს საქართველოს ტერიტორიული მთლიანობის მხარდაჭერას, - ასე ეხმაურება ესტონეთის პრემიერ-მინისტრი, კაია კალასი აგვისტოს ომის მე-15 წლისთავს.
"15 წლის წინ რუსეთმა დაიწყო აგრესია საქართველოს წინააღმდეგ. საქართველოს ტერიტორიის 20% კვლავ ოკუპირებულია. სისასტიკე და საერთაშორისო სამართლის დარღვევა კვლავ გრძელდება. ჩვენ უნდა დავასრულოთ რუსეთის აგრესიის ციკლი. ესტონეთი აგრძელებს საქართველოს ტერიტორიული მთლიანობის მხარდაჭერას", - წერს ესტონეთის პრემიერი "ტვიტერზე".
