ჯუანშერ ბურჭულაძე - თხოვნა მაქვს, ყოველ წელიწადს ნუ სვამთ კითხვას, თუ ვინ დაიწყო ომი, ეს სენსიტიური საკითხია - ჩვენი ხელისუფლების პერიოდი არის ერთადერთი დეკადა, როდესაც ომი არ ყოფილა

დღეს კიდევ ერთხელ ვიხსენებთ და პატივს მივაგებთ ჩვენს გმირებს. 400-ზე მეტი მოქალაქე დაკარგა საქართველომ, მათ შორის 170 თავდაცვის ძალებიდან იყო - კიდევ ერთხელ ქედს ვიხრი ჩვენი გმირების, მათი ოჯახების წინაშე. რა თქმა უნდა, არ ვართ შერცხვენილი ჩვენი გმირების ოჯახების წინაშე, - ამის შესახებ თავდაცვის მინისტრმა, ჯუანშერ ბურჭულაძემ ჟურნალისტებთან საუბრისას განაცხადა.

მისივე თქმით, მათი მთავარი ფუნქციაა, ყოველთვის გვერდით დაუდგნენ გმირებს და გმირების ოჯახებს.

„დღეს კიდევ ერთხელ ვიხსენებთ და პატივს მივაგებთ ჩვენს გმირებს. 400-ზე მეტი მოქალაქე დაკარგა საქართველომ, მათ შორის 170 თავდაცვის ძალებიდან იყო. კიდევ ერთხელ ქედს ვიხრი ჩვენი გმირების, მათი ოჯახების წინაშე. რა თქმა უნდა, არ ვართ შერცხვენილი ჩვენი გმირების ოჯახების წინაშე და როდესაც აქ მოვდივართ, კიდევ ერთხელ ვახსენებთ ყველას, რომ ჩვენი მთავარი ფუნქციაა, ყოველთვის გვერდით დავუდგეთ ჩვენს გმირებს და ჩვენი გმირების ოჯახს“,- აღნიშნა ბურჭულაძემ.

გარდა ამისა, მან 2008 წლის ომის თარიღთან დაკავშირებულ კითხვასაც უპასუხა და აღნიშნა, რომ ყოველ წელს კითხვის დასმა, თუ ვინ დაიწყო ომი, სწორი არ არის.

მისივე თქმით, მიუხედავად იმისა, რომ რეგიონში უზარმაზარი გამოწვევაა, „ქართული ოცნების“ პერიოდში კონფლიქტი არ ყოფილა.

„თქვენ გულისხმობთ, რომ ვინმე ხომ არ ფიქრობს, რომ საქართველომ დაიწყო ომი? მთელი ცივილური სამყარო არ სვამს ამ კითხვას, თქვენს გარდა. ყოველ წელს ახსენებთ და სვამთ კითხვას, თუ ვინ დაიწყო ომი. ჩვენ, მათ შორის თქვენი მთავრობა 8 აგვისტოს აღნიშნავდა, განკარგულებაც არის გამოცემული. ჩვენც 8 აგვისტოს აღვნიშნავთ.

თხოვნა მაქვს, ყოველ წელიწადს ნუ სვამთ კითხვას, თუ ვინ დაიწყო ომი. ეს სენსიტიური საკითხია. ძალიან დიდი სხვაობაა ტერმინებს შორის – თავიდან ვერ აიცილა და დაიწყო. ჩვენი ხელისუფლების პერიოდი არის ერთადერთი დეკადა, როდესაც არ ყოფილა ომი. როგორ შეიძლებოდა აცილება? ჩვენ ვატარებთ მშვიდობიან პოლიტიკას, ორიენტირებული ვართ საქართველოს ეკონომიკის განვითარებაზე. მიუხედავად იმისა, რომ რეგიონში არის უზარმაზარი გამოწვევა, არ ყოფილა კონფლიქტი“, - აღნიშნა მინისტრმა.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე