ქალაქ სერგიევ პოსადში ძლიერი აფეთქება მოხდა. მოსკოვის ოლქის გუბერნატორის, ანდრეი ვორობიევის ინფორმაციით, აფეთქების ადგილზე სამაშველო სამსახურები მუშაობენ, დაზარალებულთა რაოდენობა 31-მდე გაიზარდა, სამის მდგომარეობა მძიმეა.

„საგანგებო შემთხვევა ზაგორსკის ქარხნის ლითონის ანგარში, პიროტექნიკის საწყობში, მოხდა, რომელიც კერძო კომპანიას ეკუთვნის”, - განაცხადა მან.

მისივე განცხადებით, ევაკუირებულია ქარხნის ყველა მუშაკი და ასევე ახლო მდებარე საბავშვო ბაღის აღსაზრდელები. დაზიანებულია სპორტკომპლექსი „ლუჩი“.

შეგახსენებთ, რომ ქალაქი სერგიევ პოსადი მოსკოვთან ახლოს მდებარეობს და დღეს დილით კი, მოსკოვზე დრონებით თავდასხმა განხორციელდა.