ირაკლი ქარსელაძე - რიკოთის, მაგისტრალზე წელს ორი უმთავრესი მონაკვეთი გაიხსნება
რეგიონული განვითარებისა და ინფრასტრუქტურის მინისტრის ირაკლი ქარსელაძის განცხადებით, რიკოთის პროექტთან ოპოზიციის მხრიდან მუდმივად ისმის უსაფუძვლო ბრალდებები, ყოველგვარი არგუმენტის გარეშე.
„დღემდე, გარდა ზეპირი საუბრებისა, კონკრეტული შენიშვნა ჩატარებულ კვლევებთან დაკავშირებით, ან რაიმე სხვა საინჟინრო გადაწყვეტილებებთან დაკავშირებით, წარმოდგენილი არ ყოფილა“, - განაცხადა ქარსელაძემ.
მინისტრმა განმარტა, რომ რიკოთზე სამშენებლო სამუშაოები, გეგმის მიხედვით, აქტიურად მიმდინარეობს.
„საბოლოო ჯამში, ჩვენ ვხედავთ იმას, რომ ძალიან კომპლექსური, ძალიან რთული პროექტი, ძალიან რთულ გეოლოგიურ და რელიეფურ პირობებში მიმდინარეობს ისეთი ტემპით, რომ წელს ორი უმთავრესი მონაკვეთი - ხევიდან ზესტაფონამდე გაიხსნება და მომდევნო წელს, უკვე სრულად 52 კილომეტრიანი მონაკვეთი ეტაპობრივად შევა ექსპლუატაციაში. ეს არის ის გეგმა, რასაც ჩვენ ვახორციელებთ", - განაცხადა მინისტრმა.
