ირაკლი კობახიძის განცხადებით, თუ ოპოზიციური პარტიები შუალედურ არჩევნებში მონაწილეობაზე უარს იტყვიან, „საკუთარ სისუსტეს კიდევ ერთხელ აღიარებენ“

„ქართული ოცნების“ თავმჯდომარის ირაკლი კობახიძის განცხადებით, ნებისმიერ არჩევნებში არმონაწილეობა საკუთარი სისუსტის აღიარებაა და თუ ოპოზიციური პარტიები შუალედურ არჩევნებში მონაწილეობაზე უარს იტყვიან, „საკუთარ სისუსტეს კიდევ ერთხელ აღიარებენ“.

როგორც კობახიძემ პრესკონფერენციაზე განაცხადა, ოპოზიცია ძალიან მძიმე მდგომარეობაშია.

„ნებისმიერ არჩევნებში არმონაწილეობა, სისუსტის აღიარებას ნიშნავს. ასე იყო წინა შემთხვევებშიც. რეალურად, ოპოზიცია ძალიან მძიმე მდგომარეობაშია. ხედავთ, რა ვითარებაა. მათ ძალიან დასუსტებული პოზიციები და ძალიან შემცირებული რეიტინგები აქვთ, რაც ბუნებრივიცაა. როდესაც მთავარი ოპოზიციური პარტიის თავმჯდომარე ხაბეიშვილია, იქ ლაპარაკიც ზედმეტია რაიმე პარტიულ სიძლიერეზე. ასევე, როდესაც მათი არაფორმალური მმართველი არის კეზერაშვილი, მერაბიშვილი და ა.შ., იქ ოპოზიცია ძლიერი ვერ იქნება. იგივე ეხებათ სხვა ოპოზიციური პარტიებსაც. აქედან გამომდინარე, ნებისმიერ არჩევნებში არმონაწილეობა საკუთარი სისუსტის აღიარებაა. თუ ამ შემთხვევაში უარს იტყვიან არჩევნებში მონაწილეობაზე, კიდევ ერთხელ აღიარებენ საკუთარ სისუსტეს, რის შესახებაც საზოგადოება ისედაც ინფორმირებულია“,- განაცხადა კობახიძემ.

შეგახსენებთ, რომ 1-ელ ოქტომბერს გორი-კასპის მაჟორიტარი დეპუტატის შუალედური და გურჯაანის მერის რიგგარეშე არჩევნები გაიმართება. არჩევნებზე საკუთარი კანდიდატურები უკვე წარადგინა „ქართულმა ოცნებამ“. მმართველი პარტიის თავმჯდომარე ირაკლი კობახიძემ გორისა და კასპის მაჟორიტარულ საარჩევნო ოლქში გიორგი სოსიაშვილის კანდიდატურა დაასახელა, გურჯაანის მერის პოზიციაზე კი გიორგი მაჭავარიანის კანდიდატურა წარადგინა.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე