„ქართული ოცნების“ თავმჯდომარის ირაკლი კობახიძის განცხადებით, ევრორეკომენდაციებთან მიმართებით პარლამენტს სამუშაო სამ თემასთან დაკავშირებით დარჩა.

როგორც კობახიძემ პრესკონფერენციაზე განაცხადა, აღნიშნულ საკითხებთან დაკავშირებით მუშაობა, სავარაუდოდ, სექტემბერ-ოქტომბერში დასრულდება.

„პარლამენტს არსებითად სამუშაო რჩება სამ თემაზე - ეს არის დეოლიგარქიზაცია, სასამართლოს საკითხები და Moneyval-ის რეკომენდაცია. კონსულტაციები გაგრძელდება და უახლოეს მომავალში - სექტემბერ-ოქტომბერში მუშაობას დავასრულებთ ყველა შესაბამის თემაზე, ევროკავშირის სტრუქტურებთან თანამშრომლობის საფუძველზე“,- განაცხადა კობახიძემ.