სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება

საქართველოს სადაზღვევო ჯგუფის გენერალური დირექტორის მოადგილის სოფიო გრაკალიშვილის განცხადებით, კომპანია კიდევ უფრო მეტ ყურადღებას დაუთმობს მომხმარებლის ინფორმირებას, რადგან მათი სლოგანია „ხვალინდელი დღე საიმედო ხელში“.

ამის შესახებ ინფორმაციას საქართველოს სადაზღვევო ჯგუფი ავრცელებს.

„ჩვენი ამოსავალი წერტილი მომხმარებელზე განუხრელი ზრუნვაა, რაც კომპანიის ძლიერი მხარეა. გაყიდვების მენეჯერები ყოველთვის მზად არიან დაზღვევის ყველა მნიშვნელოვანი პირობა მომხმარებელს დეტალურად განუმარტონ, რომ ობიექტური და თავისუფალი გახადონ დამზღვევის არჩევანი. ყველა შემთხვევაში, ძირითადი მიდგომა გამჭვირვალობაა, შესაბამისად, მოსარგებლეს მაქსიმალური ინფორმაცია მიეწოდება. ძალისხმევას არ ვიშურებთ, რომ ყველა შეკითხვაზე სრული და ამომწურავი პასუხი გავცეთ.

2020 წლამდე კომპანია ორიენტირებული იყო კორპორატიულ სეგმენტზე. ამ სეგმენტის სადაზღვევო პოლისების მოქნილობამ და მრავალფეროვანმა ბენეფიტმა, საცალო ბაზარზე თავისთავად გააჩინა მოთხოვნა. მომხმარებელთან გულწრფელმა და კეთილსინდისიერმა დამოკიდებულებამ გადამწყვეტი როლი ითამაშა“,- განაცხადა სოფიო გრაკალიშვილმა.

მისივე განმარტებით, დაზღვევის საკითხებზე არჩევანის გაკეთება საკმაოდ რთულია, თუმცა ერთადერთი უალტერნატივო გზაა, მოქალაქეებმა მეტი დრო დაუთმონ და ხელშეკრულებაში არსებული პირობები დეტალურად გაიგონ.

„უნდა შეადაროთ რამდენიმე კომპანია გულისხმიერების, კეთილსინდისიერების კომპონენტებზე დაყრდნობით და არაფრისმთქმელი პოზიორობის გარეშე და მხოლოდ ამის შემდეგ მიიღოთ გადაწყვეტილება. უნდა აღვნიშნო, რომ საქართველოს სადაზღვევო ჯგუფი ამ მხრივაც განსაკუთრებულ სერვისს გთავაზობთ. ჩვენი გაყიდვების მენეჯერები ამ მიმართულებით სრულად არიან მომზადებულები და მზად არიან, დაინტერესებულ პირთან ერთად დეტალურად განიხილონ ჩვენი დაზღვევის უპირატესობები. მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება“, - განაცხადა სოფიო გრაკალიშვილმა.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 25.09.2023
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი