ამერიკის აკრედიტაციის კომისიის (AACI) წარმომადგენლობის განცხადებით, ბათუმის კლინიკა „მედინაში“ აკრედიტაციის პროცესი დაიწყო

ამერიკის აკრედიტაციის კომისიის წარმომადგენლობის განცხადებით, კლინიკა „მედინამ“ აკრედიტაციის თაობაზე ხელშეკრულება უკვე გააფორმა და სექტემბრიდან კლინიკაში წინასწარ აუდიტის ჩატარება იგეგმება. ინფორმაციას სამედიცინო ასოციაციების გაერთიანება ავრცელებს.

სამედიცინო ასოციაციების გაერთიანების აღმასრულებელი მდივნის არჩილ მორჩილაძის განცხადებით, კლინიკების აკრედიტაციის პირველი ეტაპი კლინიკების წინასწარ შეფასებას ითვალისწინებს, რაც კლინიკებს დაეხმარება, რომ აკრედიტაციისთვის მათი მზაობის დონე შეაფასონ.

„ამ მიზნით, კლინიკის მენეჯმენტს უშუალოდ AACI ის ექსპერტების მიერ სპეციალური ტრეინინგებიც ჩაუტარდება, რათა მათ წარმატებით გაართვან თავი აკრედიტაციის პროცესს. კლინიკები მიიღებენ AACI სტანდარტებს ქართულ ენაზე. აკრედიტაციის სტანდარტი არ ითვალისწინებს ინფრასტრუქტურის მნიშვნელოვან ცვლილებებს, რადგან საქართველოს სახელმწიფო რეგულაციის მოთხოვნების დაკმაყოფილება საკმარისია AACI აკრედიტაციის ინფრასტრუქტურული სტანდარტების დასაკმაყოფილებლად. მთავარია, კლინიკებმა კლინიკური და ზოგადი მენეჯმენტის ნაწილში სტანდარტების მოთხოვნები დააკმაყოფილონ. აკრედიტაცია სამ წლიანია და შემდეგ ეტაპებს მოიცავს:

AACI ის აკრედიტაციის პროგრამის წინასწარი შეფასების კომპონენტი საშუალებას მისცემს კლინიკებს, სრულად გაიაზრონ და დაგეგმონ ძირითადი შეფასების პროცესი, რაც პრაქტიკულად, არ ტოვებს სივრცეს დამატებითი კონსულტაციისთვის. თავად პროცესში ხდება მენეჯმენტის ყველა რგოლთან გასაუბრება და პრაქტიკულ მაგალითებზე მითითება. კლინიკებთან კომუნიკაცია და კონტრაქტების გაფორმების პროცესი საკმაოდ ინტენსიურ რეჟიმში მიმდინარეობს, ვინაიდან აკრედიტაციის პროცესი საშუალოდ 12-18 თვე გრძელდება და თუ სექტემბერში არ მოხდა აკრედიტაციის ხელშეკრულებების ხელმოწერა, კლინიკებს სახელმწიფოს მიერ დადგენილ ვადაში აკრედიტაციის მიღება გაუჭირდებათ“,-აღნიშნულია ინფორმაციაში.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 17.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს