ირაკლი კობახიძის პირველი განცხადება იყო მცდელობა საზოგადოება ორ ნაწილად გაეყო - გაბრაზებული ხალხი და ზიზღით სავსე მოსახლეობა, მაგრამ არ გამოუვიდა და პირიქით, უფრო მეტი ერთიანობა გაბრაზებული ხალხისგან მიიღო, ამიტომაც სიტყვების უკან წაღება მოუწია, - ამის შესახებ „ნაციონალური მოძრაობის“ საგარეო ურთიერთობების დეპარტამენტის უფროსის მოადგილემ, ალექსანდრე კრევო ასათიანმა განაცხადა.
მისივე თქმით, „ქართული ოცნების“ თავმჯდომარეს რეალურად ბოდიში შოვში მომხდარი ტრაგედიის შედეგად დაზარალებულებისთვის არ მოუხდია.
„ირაკლი კობახიძის პირველი განცხადება იყო მცდელობა, რომ საზოგადოება ორ ბანაკად გაეყო - ერთ მხარეს უნდა ყოფილიყო გაბრაზებული ხალხი და მეორე მხარეს უნდა ყოფილიყო ზიზღით სავსე მოსახლეობა, მაგრამ არ გამოუვიდა, არ გაუმართლა და ერთადერთი შედეგი მისი განცხადების სრულიად გაბრაზება იყო და ასევე, გაერთიანება მსხვერპლების, სოლიდარობის წინაშე. ამიტომაც სოციოლოგიური კვლევები ჩაატარეს და კობახიძემ კარგად ნახა, რომ საჭირო იყო ვითომ ბოდიშის მოხდა, მაგრამ ისიც ვნახეთ, რომ ბოდიშიც არ უთქვამს, სიტყვა ბოდიში არ უთქვამს და უბრალოდ რაღაცა ფრაზა თქვა იმიტომ, რომ დაინახა კარგად, მის მიმართ ხალხი ძალიან გაბრაზებული იყო“, - განაცხადა ალექსანდრე კრევო ასათიანმა.