Global Finance-მა „საქართველოს ბანკის“ მობილბანკი ცენტრალურ და აღმოსავლეთ ევროპაში საუკეთესოდ დაასახელა

საერთაშორისო გამოცემა Global Finance-მა მსოფლიოს საუკეთესო ციფრულ ბანკებს შორის „საქართველოს ბანკის” მობილბანკი არა მხოლოდ საქართველოში, არამედ რეგიონში, საუკეთესოდ დაასახელა.

ამის შესახებ ინფორმაციას „საქართველოს ბანკი“ ავრცელებს.

მათივე ცნობით, გამარჯვებული ბანკები შემდეგი კრიტერიუმების მიხედვით შეირჩა: ციფრული მომხმარებლების მოზიდვისა და მომსახურების სტრატეგიის სიძლიერე; ციფრული მომხმარებლების ზრდა, პროდუქტის შეთავაზებების ფართო სპექტრი; ციფრული ინიციატივებიდან მიღებული ხელშესახები შედეგები მომხმარებლისთვის; აპლიკაციების დიზაინი და ფუნქციონალი და სხვა.

„ხელოვნური ინტელექტისა და მანქანათმცოდნეობის სწრაფ წინსვლასთან ერთად, საუკეთესო ციფრული შეთავაზებების სტანდარტები მუდმივად ვითარდება. Global Finance-ის საუკეთესო ციფრული ბანკის ჯილდოებს იმსახურებენ ის ფინანსური ინსტიტუტები, რომლებიც გზას უხსნის დიჯიტალიზაციას“,- განაცხადა Global Finance-ის დამფუძნებელმა და სარედაქციო ხელმძღვანელმა, ჯოზეფ ჯარაპუტომ.

„აღსანიშნავია, რომ რჩეული ფინანსური ინსტიტუტები Infosys-ის მსოფლიო დონის ჟიურის წევრების მიერ გამოვლინდნენ. „საქართველოს ბანკი“ 2023 წლის საუკეთესო ფინანსურ ინსტიტუტად ქვეყნის მასშტაბით 12 ნომინაციაში, ცენტრალური და აღმოსავლეთ ევროპის მასშტაბით კი - 8 კატეგორიაში დასახელდა.

ქვეყნის მასშტაბით, „საქართველოს ბანკმა“ აღიარება მოიპოვა შემდეგ კატეგორიებში: საუკეთესო ციფრული ბანკი მომხმარებლებისთვის; საუკეთესო მობილბანკი; საუკეთესო ბიზნეს მობილბანკი; საუკეთესო ინოვაცია და ტრანსფორმაცია მომხმარებლებისთვის; საუკეთესო ბიზნეს ინოვაცია და ტრანსფორმაცია; საუკეთესო ბანკი მცირე და საშუალო ბიზნესისთვის; საუკეთესო ციფრული პროდუქტების შეთავაზებები მომხმარებლებისთვის; საუკეთესო ბანკი მომხმარებლებისთვის გადახდებისა და ციფრული ტრანზაქციების მიმართულებით; საუკეთესო ბანკი UX დიზაინის მიმართულებით; საუკეთესო ბანკო სამომხმარებლო დაკრედიტების მიმართულებით; საუკეთესო ბანკი ვაჭრობის დაფინანსების სერვისებისთვის; საუკეთესო ღია ბანკინგის API სერვისები საქართველოში.

ცენტრალური და აღმოსავლეთ ევროპის მასშტაბით კი „საქართველოს ბანკი“ 2023 წლის გამარჯვებული შემდეგ ქვე-კატეგორიებში გახდა: საუკეთესო მობილბანკი; საუკეთესო ბიზნეს მობილბანკი; საუკეთესო ინოვაცია და ტრანსფორმაცია მომხმარებლებისთვის; საუკეთესო ბიზნეს ინოვაცია და ტრანსფორმაცია; საუკეთესო ბანკი სამომხმარებლო დაკრედიტების მიმართულებით; საუკეთესო ბანკი ვაჭრობის დაფინანსებაში; საუკეთესო ბანკი მომხმარებლებისთვის გადახდებისა და ციფრული ტრანზაქციების მიმართულებით; საუკეთესო ციფრული პროდუქტების შეთავაზებები მომხმარებლებისთვის“, - ნათქვამია გავრცელებულ ინფორმაციაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)