რელიგიის სააგენტოს კატარის ელჩი ეწვია

საქართველოს მთავრობის ადმინისტრაციაში, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე კატარის საგანგებო და სრულუფლებიან ელჩს, ჰასან ბინ აჰმედ ალ მუტავას შეხვდა. ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, შეხვედრაზე ყურადღება რელიგიის სფეროში ორი ქვეყნის ურთიერთობის გაღრმავების პერსპექტივებზე გამახვილდა.

„სააგენტოს თავმჯდომარემ ელჩს რელიგიის სააგენტოს ბოლო აქტივობები გააცნო, მათ შორის, მუსლიმი თემის მიმართ.

სტუმარმა ქართული სახელმწიფოს ტოლერანტული რელიგიური პოლიტიკა კმაყოფილებით აღნიშნა და სააგენტოს თავმჯდომარეს მასპინძლობისთვის მადლობა გადაუხადა“, - აღნიშნულია ინფორმაციაში.