"ბორჯღალოსნებმა" აშშ-ს ნაკრები ანგარიშით 22:7 დაამარცხეს

ტესტ-მატჩში საქართველოს რაგბის ნაკრებმა აშშ-ს ნაკრები დაამარცხა.

“ბორჯღალოსნებმა” ტესტმატჩი აშშ-ის ნაკრებთან მიხეილ მესხის სახელობის სტადიონზე გამართეს. თამაში ქართველი მორაგბეების უპირატესობით წარიმართა და 22:7 ანგარიშით „ბორჯღალოსნების“ სასარგებლოდ დასრულდა.

ანგარიში მე-11 წუთზე ტაბუცაძის ლელოთი გაიხსნა, რასაც 28-ე წუთზე მამუკაშვილის ლელო და მატკავას გარდასახვა მოჰყვა და ანგარიში 12:0 გახდა. ამის შემდეგ, ამერიკელებმა ერთი ლელოს დადება მოახერხეს, გარდასახვაც ზუსტად შეასრულეს და პირველი ტაიმი 12:7 დასრულდა. მატჩის მეორე ნახევარში „ბორჯღალოსნებმა“ უპირატესობა მოიპოვეს. 46-ე წუთზე ნინიაშვილის ლელოს მატკავას ზუსტად შესრულებული გარდასახვა მოჰყვა. მოგვიანებით კი, ნინიაშვილმა ზუსტი საჯარიმო დარტყმა შეასრულა.

საბოლოოდ, მატჩი „ბორჯღალოსნების გამარჯვებით, 22:7 დასრულდა. მსოფლიო თასამდე „ბორჯღალოსნები“ კიდევ ერთ შეხვედრას, 26 აგვისტოს ედინბურგში გამართავს და შოტლანდიას დაუპირისპირდება.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა