მამაკაცი, რომელსაც სოფელ სადახლოში, მეუღლის განზრახ მკვლელობას ედავებიან, დუმილის უფლებას იყენებს

მამაკაცი, რომელსაც სოფელ სადახლოში, მეუღლის განზრახ მკვლელობას ედავებიან, დუმილის უფლებას იყენებს.

როგორც „ინტერპრესნიუსს“ ბრალდებულის ადვოკატმა ლელა მარიამიძემ განუცხადა, მისი დაცვის ქვეშ მყოფი მომხდარის მიზეზებზე არ საუბრობს, ამ ეტაპზე დუმილის უფლებით სარგებლობს, შესაბამისად დამატებით დეტალებზე ვერ ისაუბრებს.

რაც შეეხება გავრცელებულ ინფორმაციას, რომლის მიხედვით, მკვლელობის ფაქტს მოზარდი შვილიც შეესწრო, რა დროსაც დაზიანებები მიიღო, ადვოკატი განმარტავს, რომ ამასთან დაკავშირებით ბრალდებულ მამაკაცის არაფერი უთქვამს. ადვოკატმა ასევე ისაუბრა გავრცელებულ ინფორმაციაზე იმის შესახებ, რომ მამაკაცს, სავარაუდოდ, ფსიქიკური პრობლემები აქვს. ადვოკატის თქმით, ამის თაობაზე მასალები საქმეში არ დევს.

„ეს მასალები საქმეში არ დევს და ამ ეტაპზე, თავადაც არ უთქვამს. რაც შეეხება აღკვეთის ღონისძიებას, ჩვენ არანაირ აღკვეთის ღონისძიების შეფარდებას არ ვითხოვთ, მათ შორის არც გირაოს“, - განაცხადა ადვოკატმა.

რაც შეეხება ბრალდების მხარის პოზიციას, როგორც ცნობილია, პროკურატურა ბრალდებულისთვის აღკვეთის ღონისძიების სახით პატიმრობის შეფარდებას ითხოვს. სხდომა რუსთავის სასამართლოში 15:00 საათზე გაიმართება.

ცნობისთვის, პროკურატურის ინფორმაციით, შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ 19 აგვისტოს, სოფელ სადახლოში, ქმარმა ოჯახური კონფლიქტის ნიადაგზე ცოლს დანით, გულმკერდის არეში სიცოცხლისთვის სახიფათო დაზიანება მიაყენა. დაზარალებული, მიყენებული ჭრილობების შედეგად საავადმყოფოში მიყვანამდე გარდაიცვალა. სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 11 პრიმა 109-ე მუხლის ,,კ’’ ქვეპუნქტით (განზრახ მკვლელობა, ჩადენილი ოჯახის წევრის მიმართ) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)