თინა ბოკუჩავა - როცა ივანიშვილის პაიკი აშშ-ის ელჩს თავს ესხმის სამარცხვინო, მდაბიო ტერმინოლოგიით, ეს ადასტურებს, რომ ის არის რუსული რეჟიმის დავალების შემსრულებელი

როცა „რუსული ოცნება“ პუტინის სტილში თავს ესხმის აშშ-ის ელჩს, ის თავს ესხმის საქართველოს მთავარ სტრატეგიულ პარტნიორს, - ამის შესახებ ჟურნალისტებთან „ნაციონალური მოძრაობის“ ფრაქციის თავმჯდომარე თინა ბოკუჩავამ განაცხადა.

მან ელჩ კელი დეგნანთან დაკავშირებით უმრავლესობის წევრის, ირაკლი ზარქუას განცხადება შეაფასა და აღნიშნა, რომ ელჩზე თავდასხმით ხელისუფლება ქვეყნის დასავლურ არჩევანს ესხმის თავს.

„ეს ადამიანი წარმოადგენს აშშ-ს, გააჩნია უმაღლესი სახელმწიფო ლეგიტიმაცია და როცა „რუსული ოცნება“ რუსულ სტილში, პუტინის სტილში თავს ესხმის აშშ- ის ელჩს, ის თავს ესხმის საქართველოს მთავარ სტრატეგიულ პარტნიორს, მაგრამ ეს გასაკვირი არ არის, როცა „რუსული ოცნება“ თავს ესხმის ევროპულ არჩევანს. არშემდგარი პოლიტიკოსი, ივანიშვილის პაიკი როცა საუბრობს აშშ -ის ელჩზე ამ ტონალობაში, ეს ადასტურებს, რომ ის საკუთარი უმეცრებით კი არ ესხმის თავს ელჩს სამარცხვინო, მდაბიო ტერმინოლოგიით, არამედ ის არის რუსული რეჟიმის დავალების შემსრულებელი, ეს სჩვევიათ სწორედ პუტინის პაიკებს და ანალოგს ვხედავთ ივანიშვილის რეჟიმის პირობებში, სადაც ივანიშვილის პაიკები რუსულ სტილში თავს ესხმიან საქართველოს მთავარ სტრატეგიულ პარტნიორს,“ - განაცხადა ბოკუჩავამ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?