ფერმერთა ასოციაციამ ახალი პროექტი „გოგოების გაძლიერება სოციო-ეკონომიკური მდგრადობისთვის“ დაიწყო

საქართველოს ფერმერთა ასოციაციამ კანადის საგარეო საქმეთა, ვაჭრობისა და განვითარების დეპარტამენტის ფინანსური მხარდაჭერით გოგოების გაძლიერების ახალი პროექტი „ გოგოების გაძლიერება სოციო-ეკონომიკური მდგრადობისთვის“ დაიწყო. ამის შესახებ ინფორმაციას საქართველოს ფერმერთა ასოციაცია ავრცელებს.

მათივე ცნობით, პროექტი 6 თვეს გაგრძელდება და მისი მიზანია აამაღლოს ზოგადსაგანმანათლებლო სკოლების მე-10, მე-11 და მე-12 კლასის მოსწავლე გოგოების ცნობიერება მათი ფუნდამენტური უფლებების, სამოქალაქო აქტივიზმის, ძალადობის ადრეული შემჩნევის ტექნიკებისა და კარიერული დაგეგმვის შესახებ.

„პროექტი კახეთის რეგიონში -თელავში, საგარეჯში, დედოფლისწყაროსა და გურჯაანში განხორციელდება. მოსწავლე გოგოებისთვის, პროექტის ფარგლებში თემატური ტრენინგები ჩატარდება, რაც ხელს შეუწყობს მათი უნარების გაძლიერებას უკეთ გაუმკლავდნენ მიგრაციის, უმუშევრობის, განათლებაზე ხელმისაწვდომობის არქონისა და გენდერული ძალადობის გამოწვევებს.

პროექტის ფარგლებში მოსწავლე გოგოებს პირდაპირი კომუნიკაცია ექნებათ პროფესიონალებთან და პრაქტიკულ მაგალითებზე მუშაობა ხელს შეუწყობს მათი შესაძლებლობების გაძლიერებას. ასევე, პროექტში ჩართულ მოსწავლე გოგოებს ხელმისაწვდომობა ექნებათ მრავალფეროვან თემატურ მასალებზე“,- აღნიშნულია ინფორმაციაში.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა