„სტრატეგია აღმაშენებლის“ თავმჯდომარე, გიორგი ვაშაძე უკრაინელ ხალხს დამოუკიდებლობის დღეს ულოცავს. მისი განცხადებით, ბოროტების იმპერიასთან ბრძოლაში უკრაინა აუცილებლად გაიმარჯვებს.
"ვულოცავ თავისუფლებისთვის მებრძოლ უკრაინელ გმირ ხალხს დამოუკიდებლობის დღეს! მინდა თანადგომა გამოვუცხადო უკრაინელ ხალხს ბოროტების იმპერიასთან ბრძოლაში, სადაც უკრაინა აუცილებლად გაიმარჯვებს.
დღეს, ყველა ქართველი პატრიოტის თანადგომა, ყურადღება მიმართულია უკრაინის გამარჯვებისკენ, რადგან მისი გამარჯვება ხელსაყრელ პირობებს ქმნის საქართველოს დეოკუპაციისთვის, საქართველოს ერთიანობისთვის, საქართველოს გამარჯვებისთვის. სწორედ ამიტომ, აქვე მინდა უდიდესი პატივისცემა გამოვხატო უკრაინაში მებრძოლი ქართველი, გულანთებული მეომარი ბიჭების მიმართ. საქართველო გაიმარჯვებს!
უკრაინა გაიმარჯვებს! ".- წერს გიორგი ვაშაძე „ფეისბუქზე“.