იაშვილის საავადმყოფომ პაციენტების უსაფრთხოებასა და სამედიცინო ხარისხში ამერიკის საერთაშორისო აკრედიტაცია მოიპოვა

იაშვილის საავადმყოფო რეგიონის მასშტაბით პირველი პედიატრიული ცენტრი გახდა, რომელმაც ამერიკის აკრედიტაციის კომისიის (AACI) საერთაშორისო აკრედიტაცია გაიარა.

ამის შესახებ ინფორმაციას იაშვილის საავადმყოფოს პრესსამსახური ავრცელებს.

მათივე ცნობით, ამერიკის აკრედიტაციის კომისიის რამდენიმეთვიანი სამუშაო პროცესი და პერიოდული მონიტორინგი წარმატებით დასრულდა. შედეგად, იაშვილის ბავშვთა საავადმყოფომ მოიპოვა საერთაშორისო აღიარება, რომელიც გულისხმობს სამედიცინო მომსახურების ხარისხის დასავლურ სტანდარტთან შესაბამისობას და ითვალისწინებს პაციენტთა უსაფრთხოებისა და მოვლის ხარისხის მიმართულებით მუდმივ განვითარებას.

ამასთან, აღნიშნავენ, რომ 2022 წელს სრულმასშტაბიანი რეაბილიტაციის პროცესში იაშვილის საავადმყოფომ დააანონსა, რომ განაგრძობდა მუშაობას მუდმივი განვითარებისთვის, რათა კლინიკა საერთაშორისო აკრედიტაციის მქონე, რეგიონის მთავარი პედიატრიული ცენტრი გამხდარიყო. რეაბილიტაციის პროექტიც ჰოსპიტლის ინფრასტრუქტურული მოწყობის ამერიკულ გაიდლაინებს დაეფუძნა.

როგორც იაშვილის საავადმყოფოს დირექტორი, თამარ ვახტანგაძე განმარტავს, იაშვილის საავადმყოფოს მიერ მოპოვებული საერთაშორისო აკრედიტაცია პატარა პაციენტებისა და მათი მშობლებისთვის გარანტს წარმოადგენს.

„ვულოცავ ამ დიდ წარმატებას იაშვილის მედპერსონალს და სრულიად ქვეყანას. იაშვილის საავადმყოფოს მიერ მოპოვებული საერთაშორისო აკრედიტაცია პატარა პაციენტებისა და მათი მშობლებისთვის წარმოადგენს გარანტს, მიიღონ სრულფასოვანი, საერთაშორისო დონის პედიატრიული სამედიცინო მომსახურება რეგიონში. უნდა აღინიშნოს, რომ იაშვილის საავადმყოფო არა მხოლოდ საქართველოს, არამედ სამხრეთ კავკასიის მასშტაბით გახდა პირველი, საერთაშორისოდ აკრედიტებული პედიატრიული ცენტრი“, - აღნიშნავს თამარ ვახტანგაძე.

როგორ კლინიკაში განმარტავენ, ამერიკის აკრედიტაციის კომისია (AACI) მსოფლიოში ერთ-ერთი ყველაზე გამოცდილი ორგანიზაციაა ჯანდაცვის აკრედიტაციის, სერტიფიცირების, ტრენინგებისა და საკონსულტაციო სერვისების მიწოდების მიმართულებით. AACI არის „ჯანმრთელობის დაცვის, ხარისხისა და შეფასების საერთაშორისო ასოციაციის“(ISQua/IEEA) აკრედიტებული წევრი, რომელიც ჯანდაცვის სერვისების განვითარების მიზნით მსოფლიოს მასშტაბით საერთაშორისო სტანდარტებს შეიმუშავებს. AACI-ის მიერ აკრედიტებულია ამერიკის, ევროპისა და აზიის წამყვანი სამედიცინო ცენტრები.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა