გოგა მელიქიძე - საპენსიო დანაზოგების მაღალრისკიანი პორტფელის მფლობელების თანხების ინვესტირება Apple-ში, Samsung-ში, Nestle-ში, Toyota-ში, Google-სა და Louis Vuitton-ში მოხდება

საპენსიო სააგენტოს უფროსი საინვესტიციო ოფიცრის გოგა მელიქიძის განცხადებით, საპენსიო დანაზოგების მზარდი (მაღალრისკიანი) პორტფელის მფლობელების თანხების ინვესტირება ისეთი კომპანიების აქციებში მოხდება, როგორებიც არიან: Apple, Samsung-ი, Nestle-ე, Toyota, Google-ი, Louis Vuitton-ი და ა.შ.

ამის შესახებ მან ეროვნული ბანკის ვიცე-პრეზიდენტთან გამართული მორიგი საანგარიშო შეხვედრის შემდეგ განაცხადა.

„გვსურს მკაფიოდ განვმარტოთ, რომ ჩვენ მაღალი რისკის პორტფელს ვუწოდებთ მზარდ პორტფელს, რადგან მასში საპენსიო დანაზოგის განთავსება საუკეთესო შესაძლებლობაა გრძელვადიან პერიოდში დამატებითი მოგების მისაღებად. აღნიშნული მზარდი (მაღალრისკიანი) პორტფელი გულისხმობს მონაწილეების დანაზოგების 55%-ის დოლარში ინვესტირებას, მათ შორის, ისეთი კომპანიების აქციებში, როგორებიც არიან: Apple, Samsung-ი, Nestle-ე, Toyota, Google-ი, Louis Vuitton-ი და ა.შ. საპენსიო აქციები იქნება გადანაწილებული ათასობით სხვადასხვა კომპანიაში და სხვადასხვა რეგიონის დონეზე (აშშ, განვითარებული ევროპის ქვეყნები, კანადა, ავსტრალია, განვითარებული აზიის ქვეყნები და მსხვილი ლათინური ამერიკის ქვეყნები). ამავდროულად, მზარდ პორტფელში იქნება ქართული სახაზინო ობლიგაციები და ქართული საბანკო დეპოზიტები პორტფელის 45%. უნდა აღინიშნოს, რომ მონაწილეების დანაზოგები არამხოლოდ ამ საინვესტიციო პორტფელების დონეზე, არამედ საქართველოს კანონით რეგულირდება. საპენსიო დანაზოგებს მართავს კვალიფიციური და დამოუკიდებელი საინვესტიციო საბჭო და მას ზედამხედველობს და რეგულირებას უწევს ეროვნული ბანკი“,- განაცხადა გოგა მელიქიძემ.

როგორც საპენსიო სააგენტოს მიერ გავრცელებულ ინფორმაციაშია ნათქვამი, ამ დრომდე საინვესტიციო სამსახურმა 680 მილიონი ლარის საინვესტიციო მოგება უკვე დაარიცხა მოქალაქეთა შენატანებს, რაც 52%- წარმოადგენს და ინფლაციის გათვალისწინებით, ანალოგიურ პერიოდზე, მომგებიანობამ 12%-ს გადააჭარბა. უკვე გაცემულია 5,000-მდე მონაწილეზე 13 მლნ ლარზე მეტი პენსია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024