ეროვნული ბანკის პრეზიდენტის მოვალეობის შემსრულებელი ნათია თურნავა „ხალიკ ბანკ ყაზახეთის" სამეთვალყურეო საბჭოს თავმჯდომარეს, უმუტ შაიახმეტოვას და "ხალიკ ბანკ საქართველოს" გენერალურ დირექტორს, ნიკოლოზ გეგუჩაძეს შეხვდა. ამის შესახებ ინფორმაციას ეროვნული ბანკი ავრცელებს.

მათივე ცნობით, გაცნობითი ხასიათის შეხვედრაზე საუბარი შეეხო რეგიონის ეკონომიკურ მდგომარეობასა და ასევე, "ხალიკ ბანკსა" და ეროვნულ ბანკს შორის ურთიერთთანამშრომლობის საკითხებს.

ასევე, ყურადღება გამახვილდა საქართველოს საფინანსო სექტორის სტაბილურობაში ეროვნული ბანკის როლსა და სექტორში ყაზახური ინვესტიციების ზრდის პერსპექტივებზე.