„ევროპის უნივერსიტეტის" სტუდენტების პირველი ნაკადი „ერაზმუს+" გაცვლითი პროგრამით სასწავლებლად ევროპის სხვადასხვა ქვეყანაში მიემგზავრება

"ევროპის უნივერსიტეტის" სტუდენტები ერაზმუს+ გაცვლითი პროგრამის ფარგლებში ევროკავშირის წევრ ქვეყნებთან არსებული მჭიდრო თანამშრომლობის საფუძველზე გაცვლითი პროგრამით საზღვარგარეთ სხვადასხვა წამყვან უნივერსიტეტებში ისწავლიან. ამის შესახებ ინფორმაციას „ევროპის უნივერსიტეტი“ ავრცელებს.

მათივე ცნობით, დაუგავპილსის უნივერსიტეტი (ლატვია) შემოდგომის სემესტრში "ევროპის უნივერსიტეტიდან" ინფორმატიკის მესამე კურსის სტუდენტებს - კახა ფუტკარაძეს და გიორგი ბერულავას მიიღებს. ავსტრიაში, ცენტრალური ევროპის უნივერსიტეტში ერთ სემესტრს გაატარებს ნატა ლურსმანაშვილი, რომელიც "ევროპის უნივერსიტეტში" მენეჯმენტის სამაგისტრო პროგრამაზე სწავლობს.

სამივე მათგანი მიმღებ უნივერსიტეტში თავისივე მიმართულებაზე სრული დაფინანსებით ისწავლის და სხვა ხარჯებისთვის სტიპენდიასაც მიიღებს.

„მემორანდუმების ფარგლებში, "ევროპის უნივერსიტეტი" 32 ქვეყნის 80-ზე მეტ უცხოურ უნივერსიტეტთან თანამშრომლობს, რომელთაგან 50-მდე ევროკავშირის წევრ სახელმწიფოებშია.

"ერაზმუს+" გაცვლითი პროგრამის ფარგლებში სტუდენტებს ყოველ სემესტრულად აქვთ შესაძლებლობა, მონაწილეობა მიიღონ შესარჩევ კონკურსში და მათთვის სასურველ ქვეყანაში ისწავლონ.

"ევროპის უნივერსიტეტის" სტუდენტების პირველი ნაკადი 31 აგვისტოს გაემგზავრება”, - ნათქვამია ინფორმაციაში.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა