გლდანის გამგეობის წარმომადგენელი - გუშინდელი უხვი ნალექის შედეგად, გლდანში ერთი ოჯახი დაზარალდა, რომელიც სასტუმროშია გადაყვანილი

მას შემდეგ, რაც გუშინ ცხელ ხაზზე დაფიქსირდა შეტყობინებები, გამგეობის წარმომადგენლები აბსოლუტურად ყველა მისამართზე მივიდნენ, დილის 06:00 საათამდე გაგრძელდა ეს პროცესი. პარალელურ რეჟიმში „თბილსერვისი“ მუშაობდა რაიონში, სადაც გზის დასუფთავება ქვა-ღორღისგან ხდებოდა. დღეის მდგომარეობით, სიტუაცია სრულად განმუხტულია, - ამის შესახებ გლდანის რაიონის გამგებლის მოადგილის მოვალეობის შემსრულებელმა, ბესიკ კალაძემ განაცხადა.

მისივე თქმით, გუშინდელი უხვი ნალექის შედეგად, გლდანში ერთი ოჯახი დაზარალდა. კალაძის განმარტებით, ოჯახი ამ ეტაპზე სასტუმროშია გადაყვანილი.

„გუშინ გლდანის რაიონში ძლიერი ნალექი იყო. ძირითადად მეტროს ტერიტორიაზე, ე.წ.მიწისქვეშა გადასასვლელებში, სადაც კონკრეტული ნაწილის დატბორვა მოხდა, თუმცა შესაბამისი სამსახურების დროული ჩართულობით და რეაგირებით პრობლემა მოგვარებულია. ასევე, ადგილზე იმყოფებოდნენ გამგეობის წარმომადგენლები და ჩვენ რაც შეგვეძლო ჩვენი ძალებით, პირველ ეტაპზე მოსახლეობას დავეხმარეთ, რომ გამოსულიყვნენ გარე ტერიტორიაზე. უზრუნველვყავით, რომ პირველ ეტაპზე გათიშულიყო ელექტროენერგია, რადგან საფრთხე არ ყოფილიყო. შესაბამისად, დღეის მდგომარეობით სიტუაცია სრულად განმუხტულია.

რაც შეეხება დაზარალებულ ოჯახებს, ერთი ოჯახი გვყავს, რომელსაც დაენგრა კედელი, ისინი იმავე წუთში გადავიყვანეთ ჩვენ სასტუმროში, შემდეგ დავგეგმავთ, თუ ამ ოჯახთან დაკავშირებით რა ღონისძიებებს გავატარებთ“, - განაცხადა ბესიკ კალაძემ.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა