პაატა მანჯგალაძე - ყველა სახელი და გვარი, რომელიც პრეზიდენტის წინააღმდეგ საკონსტიტუციო წარდგინებაზე დაფიქსირდება, საქართველოს ღალატზე ხელმოწერა იქნება - ჩვენ დავთვლით, რამდენი მოღალატე გვეყოლება პარლამენტში

ევროპული კურსის მხარდაჭერის გამო პრეზიდენტის იმპიჩმენტის დაწყება ნიშნავს პუტინისთვის კიდევ ერთ საჩუქარს - ყველა ხელმოწერა, ყველა სახელი და გვარი, რომელიც დაფიქსირდება საკონსტიტუციოში შესატან წარდგინებაზე, საქართველოს ღალატზე ხელმოწერა იქნება, - ამის შესახებ “სტრატეგია აღმაშენებლის” დეპუტატმა პაატა მანჯგალაძემ განაცხადა.

მისივე თქმით, როცა “ქართული ოცნება” ევროპაში სტატუსთან დაკავშირებით ვიზიტის გამო პრეზიდენტს იმპიჩმენტს უწყობს, ამით ცდილობს, რომ რუსეთს ლოიალობა დაუმტკიცოს.

“ის, რომ ევროპაში ვიზიტის და სტატუსის მიღებისთვის მოლაპარაკებების გამართვის გამო პრეზიდენტის იმპიჩმენტს იწყებს “ქართული ოცნება”, ეს პირველ რიგში მოახდენს “ქართული ოცნების” ლუსტრაციას, რომ რუსეთის დაკვეთის შემსრულებლები არიან.

კობახიძემ, როგორც კონსტიტუციონალისტმა, უნდა იცოდეს, რომ სამართლებრივზე მეტად ეს არის პოლიტიკური პროცესი. საკონსტიტუციო სასამართლოს გადაწყვეტილება არანაირ შედეგს არ დებს, საბოლოო გადაწყვეტილებას იღებს პარლამენტი, ანუ პოლიტიკური ორგანო, პოლიტიკური მიზანშეწონილობის საფუძველზე. ევროპული კურსის მხარდაჭერის გამო, პრეზიდენტის იმპიჩმენტი არის პირდაპირი ლუსტრაცია, თუ ვის სამსახურში დგას ე.წ. “ქართული ოცნების” ხელისუფლება. ეს არის პირდაპირ ღალატის გზა, ყველა პარლამენტის წევრის “ქართული ოცნებიდან” და ე.წ. ოპოზიციიდან (ეგეთიც არსებობს) ხელისმოწერა და დათანხმება ამ იმპიჩმენტის პროცედურაზე ნიშნავს საქართველოს ღალატს, რაც არ შეიფუთება და ჩვენ დავთვლით, რამდენი მოღალატე იქნება პარლამენტში. ეს არანაირი სამართლებრივი, პროცედურული საკითხი არ არის, რადგან ირაკლი კობახიძემ კარგად იცის, რომ საბოლოო ვერდიქტი არის პარლამენტის ხელში და გადაწყვეტილება არის პოლიტიკური. ევროპული კურსის მხარდაჭერის გამო პარლამენტში პრეზიდენტის იმპიჩმენტის დაწყება ნიშნავს პუტინისთვის კიდევ ერთ საჩუქარს. ყველა ხელმოწერა, ყველა სახელი და გვარი, რომელიც დაფიქსირდება ამ წარდგინებაზე, რომელსაც საკონსტიტუციოში შეიტანენ, უნდა ვიცოდეთ, რომ საქართველოს ღალატზე ხელისმოწერაა.

ისინი ცდილობენ რუსეთში მათ პატრონებს დაუმტკიცონ ლოიალობა, უთხრან, რომ საფრანგეთში გაზრდილი პრეზიდენტი კი ჰყავთ, მაგრამ მას ემიჯნებიან და ყველა ქართულ პროდასავლურ გამოვლინებას ამოძირკვავენ ჩანასახში, რომ რუსული კანონი ვერ მიიღეს, მაგრამ დასჯიან ევროინტეგრაციის მხარდამჭერ პრეზიდენტს, დასჯიან ყველას, ვინც გაბედავს ღიად მხარი დაუჭიროს ნატოსა და ევროკავშირში ინტეგრაციას,“ - განაცხადა პაატა მანჯგალაძემ.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა