მიხეილ სარჯველაძე - იმპიჩმენტის მიზანია, ყველა პოლიტიკური ძალის ლუსტრაცია, თუ ვინ მუშაობს შეხმატკბილებულად ქვეყნის ნამდვილი ინტერესების დასაზიანებლად

მთავრობის მიერ ნაწარმოები საგარეო პოლიტიკის ხელისშემშლელი შეიძლება აღმოჩნდეს იმ განცხადებების გამეორება სახელმწიფოს სახელით, რომელსაც აკეთებს პრეზიდენტი ამ დრომდე, - ამის შესახებ ადამიანის უფლებების კომიტეტის თავმჯდომარე მიხეილ სარჯველაძემ განაცხადა.

მისი თქმით, საგარეო პოლიტიკის დაგეგმვაზე უფლებამოსილი მთავრობაა და პრეზიდენტის უფლებები ამ მხრივ შეზღუდულია. სარჯველაძე აცხადებს, რომ მან კონსტიტუცია დაარღვია.

ამასთან, როგორც მან აღნიშნა, პრეზიდენტის განცხადებები „ნაციონალური მოძრაობის“ რიტორიკას ემთხვევა.

„საბოლოო მიზანი, როგორც ითქვა, გახლავთ ყველა პოლიტიკური ძალის ლუსტრაცია, თუ ვინ მუშაობს შეხმატკბილებულად ქვეყნის ნამდვილი ინტერესების დასაზიანებლად. ვის უბრალოდ პროევროპულობის ნიღაბი აქვს და ამის მიღმა მოწადინებულია ხელისუფლების წინააღმდეგ ანტისახელმწიფოებრივი არგუმენტები მოიგონოს და ამით იბრძოლოს.

კონსტიტუციის დარღვევას რაც შეეხება, ერთმნიშვნელოვანია შეფასება. ვფიქრობ, პრეზიდენტის მხრიდან კონსტიტუციის დარღვევას, შეუთანხმებლობას პრეზიდენტის ქმედებების, აშკარად ადგილი აქვს, რადგან კონსტიტუცია არღვევს, რომ პრეზიდენტის წარმომადგენლობითი უფლებამოსილება საგარეო ურთიერთობებში შეზღუდულია მთავრობასთან შეთანხმების პირობებით.

ითქვა იმის შესახებაც, რომ უმრავლესობას დღეს არ გააჩნია შესაძლებლობა, დამოუკიდებლად მიიღოს ყველა გადაწყვეტილება იმპიჩმენტთან დაკავშირებით და აქ რა თქმა უნდა, იქნება ან აუცილებლობა სხვა პოლიტიკური პარტიების მხარდაჭერის ან მეორეს მხრივ, რეალურად გამოჩნდება, ვის რა მოტივაცია ამოძრავებს ქვეყანაში მიმდინარე პოლიტიკურ პროცესებთან დაკავშირებით,“ - განაცხადა სარჯველაძემ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა