ჯანმრთელობის დაცვისა და სოციალურ საკითხთა კომიტეტში შექმნილი თემატური ჯგუფის წევრებმა გასვლითი სამუშაო შეხვედრები გამართეს

საქართველოში ფსიქიკური ჯანმრთელობის სერვისებზე ხელმისაწვდომობის და არსებული გამოწვევების საკითხებზე საქართველოს პარლამენტის ჯანმრთელობის დაცვისა და სოციალურ საკითხთა კომიტეტში შექმნილი თემატური ჯგუფის წევრებმა ორდღიანი გასვლითი სამუშაო შეხვედრები გამართეს.

ამის შესახებ ინფორმაციას პარლამენტის პრესსამსახური ავრცელებს.

მათი ცნობით, თემატური ჯგუფის წევრები, NDI-ის წარმომადგენლებთან ერთად, 31 აგვისტოს, ხონისა და სენაკის ფსიქიკური ჯანმრთელობის ეროვნულ ცენტრებს ეწვივნენ, სადაც ადგილზე გაეცნენ არსებულ ვითარებას, შეხვდნენ ხონის ფსიქიკური ჯანმრთელობის ეროვნული ცენტრის დირექტორს გოჩა ბაკურაძეს, სამედიცინო პერსონალს და ბენეფიციარებს, მოისმინეს ინფორმაცია მათი საჭიროებებისა და პრობლემების შესახებ.

„მეორე დღეს კი შეხვედრები შედგა ბათუმში, აჭარის ავტონომიური რესპუბლიკის უმაღლესი საბჭოს, აჭარის ავტონომიური რესპუბლიკის მთავრობის, ბათუმის საკრებულოსა და მერიის წარმომადგენლებთან, ასევე ავტონომიურ რესპუბლიკაში მოქმედი ფსიქიატრიული სერვისების მიმწოდებელი დაწესებულებების, ბათუმში მოქმედი არასამთავრობო ორგანიზაციებისა და ასოციაციების წარმომადგენლებთან.

საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, ზაზა ლომინაძის განცხადებით ფსიქიკური ჯანმრთელობის სერვისებზე ხელმისაწვდომობის საკითხი და არსებული გამოწვევები დღეს ერთ-ერთ მნიშვნელოვან თემას წარმოადგენს და თემატური მოკვლევის შედეგად გამოვლენილი მიგნებების საფუძველზე კომიტეტი შესაბამის რეკომენდაციებს შეიმუშავებს.

საქართველოში ფსიქიკური ჯანმრთელობის სერვისებზე ხელმისაწვდომობის და არსებული გამოწვევების საკითხზე შექმნილ თემატურ ჯგუფს ჯანმრთელობის დაცვისა და სოციალურ საკითხთა კომიტეტის წევრი ანი წითლიძე ხელმძღვანელობს.

თემატური მოკვლევა ეროვნულ-დემოკრატიული ინსტიტუტის (NDI) მხარდაჭერით ხორციელდება“,- ნათქვამია ინფორმაციაში.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად