საქართველოს ტექნიკური უნივერსიტეტის რექტორი აბიტურიენტებს ეროვნული გამოცდების წარმატებით ჩაბარებას ულოცავს

საქართველოს ტექნიკური უნივერსიტეტის რექტორი, აკადემიკოსი დავით გურგენიძე აბიტურიენტებს, რომლებმაც წარმატებით ჩააბარეს ეროვნული გამოცდები, ცხოვრების ახალი, მნიშვნელოვანი ეტაპის დაწყებას ულოცავს და დასახული მიზნების მიღწევას უსურვებს.

ინფორმაციას სტუ ავრცელებს.

„ძვირფასო ახალგაზრდებო, იწყება თქვენი ცხოვრების უმნიშვნელოვანესი ეტაპი, რომელიც განსაზღვრავს თქვენს ადგილს ძლიერი საქართველოს მშენებლობის საქმეში - გილოცავთ ეროვნული გამოცდების წარმატებით ჩაბარებას! გილოცავთ სტუდენტობას!

განსაკუთრებით მინდა მოგილოცოთ იმ ახალგაზრდებს, რომელთაც ცოდნის, ახალი გამოცდილების, ახალი მეგობრების შეძენის ეტაპი საქართველოს ტექნიკურ უნივერსიტეტს დაუკავშირეთ. თქვენ არჩევანში არ შემცდარხართ.

საქართველოს ტექნიკური უნივერსიტეტი არის ის საგანმანათლებლო უმაღლესი საინჟინრო სკოლა, სადაც მოღვაწეობენ მსოფლიოში აღიარებული მეცნიერები. გახსოვდეთ, განათლებული ახალგაზრდობა უდიდესი ძალაა ქვეყნისთვის, ხოლო მეცნიერება წარმატებული სახელმწიფოს საძირკველი.

საქართველოს ტექნიკურ უნივერსიტეტში თქვენ ყველა შესაძლებლობა გექნებათ მიიღოთ ევროპული სტანდარტის შესაბამისი განათლება, მსოფლიოს წამყვან უნივერსიტეტებში ჩაატაროთ კვლევები, იყოთ წარმატებული და ასახელოთ თქვენი ალმა-მატერი.

მჯერა, განსაკუთრებული შესაძლებლობებით გამოიყენებთ შანსს, რომელსაც სახელმწიფო და უნივერსიტეტი მოგცემთ და მნიშვნელოვან ნაბიჯებს გადადგამთ ჩვენი ქვეყნის საკეთილდღეოდ.

ჩემო ახალგაზრდა მეგობრებო, კიდევ ერთხელ გილოცავთ სტუდენტობას და გისურვებთ წარმატებებს!

ასევე წარმატებები მინდა ვუსურვო აბიტურიენტებს, რომელთაც წელს გარკვეული მიზეზების გამო ვერ აისრულეს ოცნება - ნუ დაყრით ფარ-ხმალს, თქვენ შეძლებთ თქვენი სიტყვა თქვათ და ჩამოყალიბდეთ კარგ პროფესიონალებად.

კიდევ ერთხელ წარმატებებს გისურვებთ, ახალგაზრდებო“, - აღნიშნულია სტუ-ის რექტორის განცხადებაში.

გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
ქართული პრესის მიმოხილვა 10.02.2025
ფარხატ მამედოვი - ჯერჯერობით იმის თქმა შეიძლება, რომ ტრამპის ადმინისტრაციას სამხრეთ კავკასიის მიმართ თავისი ინტერესები, მიზნები და ამოცანები არ განუსაზღვრავს
PSP-ში 50%-მდე ფასდაკლება დაიწყო მსოფლიოს ცნობილი სილამაზის და თავის მოვლის ბრენდების პროდუქციაზე
„რატომაც ვანდობთ ამ სკოლას ჩვენთვის უძვირფასესს - შვილებს, ნათია ჯანაშიამ შექმნა“ – მშობლები ბრიტანულ–ქართული აკადემიის დირექტორს მხარს უჭერენ
Bist-ის თანამშრომლების განცხადება
ევროპის ოლიმპიური კომიტეტების პრეზიდენტი ევროპის ახალგაზრდული ოლიმპიური ფესტივალის შესახებ - ახალი სპორტული ობიექტები შესანიშნავია და უმაღლესი დონის საერთაშორისო სტანდარტებს შეესაბამება
ბრიტანულ-ქართული აკადემიისა და ბრიტანული საერთაშორისო სკოლის დირექტორი  - „საქართველოს კაპიტალი“ ბრიტანულ-ქართული აკადემიის დირექტორად არაკომპეტენტური და საეჭვო რეპუტაციის პირის დანიშვნას ცდილობს
„ამბასადორი აილენდ ბათუმს“ ზღვაში მოწყობილი 19 ჰექტარი  ტერიტორია საკუთრებაში გადაეცა