თავდაცვის უწყებაში საქართველოს თავდაცვისა და შეკავების გაძლიერების ინიციატივის პროგრესის შეფასების აღმასრულებელი დონის შეხვედრა გაიმართა

თავდაცვის სამინისტროში საქართველოს თავდაცვისა და შეკავების გაძლიერების ინიციატივის (GDDEI) განხორციელების პროგრესი და სამომავლო გეგმები განიხილეს. ინფორმაციას უწყების პრესსამსახური ავრცელებს.

მათი ინფორმაციით, ინიციატივის მიმდინარეობის შეფასების მიზნით, საქართველოში აშშ-ის ევროპული სარდლობის მაღალი დონის დელეგაცია ჩამოვიდა ბრიგადის გენერალ ბრიონ ტერელის ხელმძღვანელობით.

„თავდაცვის სამინისტროში გამართულ გაფართოებულ შეხვედრას თავდაცვის მინისტრის პირველი მოადგილე ლელა ჩიქოვანი ხელმძღვანელობდა. მხარეებმა საქართველოს თავდაცვისა და შეკავების გაძლიერების ინიციატივის მიმდინარეობა დადებითად შეაფასეს. შეხვედრისას ხაზგასმით აღინიშნა საქართველოსა და აშშ-ის თავდაცვის სექტორებს შორის სტრატეგიული თანამშრომლობის მნიშვნელობა. აქცენტირდა თავდაცვისა და შეკავების გაძლიერების ინიციატივის მნიშვნელოვანი როლი თავდაცვის ძალების მოდერნიზაციისა და ტერიტორიული თავდაცვის შესაძლებლობების გაძლიერების პროცესში.

საუბარი შეეხო რეგიონში არსებულ უსაფრთხოების გარემოსა და მზარდ საფრთხეებს, საქართველოს თავდაცვის ძალების შესაძლებლობების გაძლიერების კონკრეტულ ნაბიჯებსა და მრავალეროვნულ სწავლებებს, ამ პროცესში აშშ-ის ევროპული სარდლობის მნიშვნელოვან კონტრიბუციასა და მხარდაჭერას.

საქართველოს თავდაცვისა და შეკავების გაძლიერების ინიციატივის პროგრესის მიმოხილვის შეხვედრას თავდაცვის ძალების მეთაურის მოადგილე, ბრიგადის გენერალი ირაკლი ჭიჭინაძე, გაერთიანებული სამეფოს თავდაცვის სამინისტროს რუსეთის, აღმოსავლეთ ევროპისა და ცენტრალური აზიის მიმართულების ხელმძღვანელი დევიდ მორგანი, აშშ-ის ევროპული სარდლობისა და აშშ-ის საელჩოს წარმომადგენლები დაესწრნენ. შეხვედრაზე იმყოფებოდნენ საქართველოს თავდაცვისა და შეკავების გაძლიერების ინიციატივის ძალისხმევის ხაზების ხელმძღვანელებიც“,-აღნიშნულია ინფორმაციაში.

სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
ქართული პრესის მიმოხილვა 22.05.2025
ლევან ალაფიშვილი - „ქართული ოცნება“ ერთი მხრივ დემოკრატიულ ინსტიტუტებზე ახდენს თავდასხმას, ხოლო მეორე მხრივ რეპრესიულ მექანიზმებს აძლიერებს
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
ნატო ჩხეიძე თეა წულუკიანს და საგამოძიებო კომისიას პასუხობს
ნატალია ქუთათელაძის გზა პირველი ყულაბიდან ფინანსურ სტაბილურობამდე - „ხალიკ ბანკი ყველაზე დიდი ყაზახური ფინანსური ინსტიტუტია საქართველოში - შესაბამისად, როცა საქმე ანაბარს ეხება, დარწმუნებული ვარ, რომ ჩემი ფინანსები სანდო ხელშია“
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის