ანა წითლიძე - თუ აღმოჩნდება ვინმე ოპოზიციაში, ვინც შოვთან დაკავშირებით საგამოძიებო კომისიას მხარს არ დაუჭერს, ეს იქნება მათი პასუხისმგებლობაც, რადგან  ხელისუფლება ცდილობს გადაფაროს კითხვები, რომელიც არსებობს შოვის ტრაგედიასთან დაკავშირებით

თუ აღმოჩნდება ვინმე ოპოზიციაში, ვინც შოვთან დაკავშირებით საგამოძიებო კომისიას მხარს არ დაუჭერს, ეს იქნება მათი პასუხისმგებლობაც, რადგან ხელისუფლება ცდილობს, სხვადასხვა თემებით გადაფაროს კითხვები და ის პასუხისმგებლობა, რომელიც არსებობს შოვის ტრაგედიასთან დაკავშირებით, - ამის შესახებ "ნაციონალური მოძრაობის" დეპუტატმა ანა წითლიძემ განაცხადა.

მისი თქმით, მნიშვნელოვანია ყველა კითხვას პასუხი გაეცეს, რათა მომავალში მაინც მოხერხდეს მსგავსი ტრაგედიის პრევენცია.

„კონსულტაციები გვაქვს ყველა პარტიასთან და სესიის დაწყების დღეს ნათელი გახდება, თუ ვინ დაუჭერს მხარს საგამოძიებო კომისიას შოვთან დაკავშირებით და ვინ არა. თუმცა, ყველას უნდა ესმოდეს, თუ აღმოჩნდება ვინმე (ოპოზიციაში) ისეთი, ვინც მას მხარს არ დაუჭერს, საგამოძიებო კომისიის არშექმნა იქნება ასევე მათი პასუხისმგებლობაც, რადგან ვხედავთ ხელისუფლება ცდილობს სხვადასხვა თემებით გადაფაროს კითხვები, რომელიც არსებობს შოვის ტრაგედიასთან დაკავშირებით და გადაფაროს პასუხისმგებლობა, რომელიც აქვს ხელისუფლებას. ჩვენ, ჩვენს შვილებს, საქართველოს მოქალაქეებს სჭირდებათ პასუხები შოვის ტრაგედიაზე, გვჭირდება პრევენცია, რომ მეორედ არ განმეორდეს ის, რაც შოვში მოხდა,"- განაცხადა წითლიძემ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა