„ჩიკაგო“ საქართველოშია – „თეატრი“„არქის“ მხარდაჭერით მაყურებელს ახალ მასშტაბურ დადგმას წარუდგენს

სექტემბერში, მულტიფუნქციური სივრცე „თეატრი“ სეზონს ახალი მიუზიკლით – „ჩიკაგოთი“ გახსნის, რომლის წარმდგენიცარქი“ იქნება. ამის შესახებ ინფორმაციას „წისქვილი ჯგუფი“ ავრცელებს.

მათივე ცნობით, „თეატრსა“ და „არქის“ შორის თანამშრომლობის მემორანდუმი 31 აგვისტოს გაფორმდა.

„არქიში“ მივესალმებით და მხარს ვუჭერთ ქვეყანაში შექმნილ ახალ პროექტებს კულტურაში, სპორტსა თუ ნებისმიერ სხვა სფეროში. ამიტომ, როცა გავიგეთ, რომ „თეატრში“ მსოფლიოში ცნობილი, ყველასთვის საყვარელი მიუზიკლი „ჩიკაგოს“ დადგმა იგეგმებოდა, გადავწყვიტეთ ამ პროექტს წარმდგენის სტატუსით შევერთებოდით. დარწმუნებული ვართ, რომ შოუ დაუვიწყარ შთაბეჭდილებებს შეუქმნის ქართველ და უცხოელ დამსწრეებს, რაც მომავალში ხელს შეუწყობს კულტურის ამ მიმართულების პოპულარიზაციას.

გვიხარია, რომ შესაძლებლობა მოგვეცა ვითანამშრომლოთ „თეატრთან“ და კიდევ ერთი ინოვაციური, წარმატებული პროექტის თანამონაწილეები ვიყოთ“, – აცხადებს „არქის“ გენერალური დირექტორი, შიო ხეცურიანი.

როგორც ინფორმაციაშია აღნიშნული, ლეგენდად ქცეული მიუზიკლი „ჩიკაგო“, რომელიც აშშ-ს გარდა, 36-ზე მეტ ქვეყანაშია წარმოდგენილი, საქართველოში პირველად დაიდგმება. მასზე „თეატრის“ შემოქმედებითმა ჯგუფმა ცნობილ ქართველ მომღერლებთან და მოცეკვავეებთან ერთად იმუშავა.

„ჩიკაგოს“ ბობოქარი ამბების „თეატრის“ სცენაზე გადმოტანა საკმაოდ გაბედული ნაბიჯი იყო. მიუზიკლი რთული ქორეოგრაფიული და მუსიკალური ნომრებითაა დატვირთული, თუმცა არაჩვეულებრივი შემოქმედებითი ჯგუფისა და დასის დაუღალავი შრომის შედეგად, მათ თავი წარმატებით გავართვით. გვიხარია, რომ „წისქვილი ჯგუფისა“ და „არქის“ მხარდაჭერით „ჩიკაგოს“ თქვენ წინაში სულ მალე წარვადგენთ და მისი ნახვის შესაძლებლობას ქართველ მაყურებლებსაც მივცემთ“, – განაცხადა „თეატრის“ სამხატვრო ხელმძღვანელმა ზაალ ჩიქობავამ.

მათივე ინფორმაციით, „თეატრის“ კონცეფციიდან გამომდინარე, ტრადიციულად, სანახაობის შემადგენელი ნაწილი იქნება ვახშამი. სტუმრები წარმოდგენის პარალელურად სპეციალურად „ჩიკაგოსთვის“ შექმნილ კერძებს დააგემოვნებენ. მიუზიკლის პრემიერა 20-21 სექტემბერს გაიმართება. კალენდრის სანახავად, ბილეთების შესაძენად და მეტი დეტალისთვის ეწვიეთ „თეატრის“ ვებგვერდს: teatri.ge.

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა