პაატა მანჯგალაძე - მთავრობას დაბლოკილი ჰყავს პრეზიდენტი იმის გამო, რომ რაც ღარიბაშვილს და კობახიძეს უნდა, იმას არ ლაპარაკობს?! ასეთი კონსტიტუცია გვაქვს დაწერილი, რომ პრეზიდენტი შინაპატიმრობაშია?!

მთავრობას დაბლოკილი ჰყავს პრეზიდენტი იმის გამო, რომ რაც ღარიბაშვილს და კობახიძეს უნდა, იმას არ ლაპარაკობს?! ასეთი კონსტიტუცია გვაქვს დაწერილი, რომ პრეზიდენტი შინაპატიმრობაშია?! თოჯინაა, ჩაუდებენ ჩიპს, დააჭერენ ღილაკს ხელს და რასაც უნდათ, ილაპარაკებს, ასეთი პრეზიდენტი ჰყავს თურმე, საქართველოს პირდაპირი წესით არჩეული?! - ამის შესახებ ჟურნალისტებთან „სტრატეგია აღმაშენებლის" დეპუტატმა პაატა მანჯგალაძემ განაცხადა.

კითხვაზე, ხომ არ შეიძლება მიხეილ სააკაშვილის შეწყალების საკითხი გახდეს პოლიტიკური ვაჭრობის საგანი იმპიჩმენტის მხარდაჭერასთან დაკავშირებით, მანჯგალაძე ამბობს, რომ თუ პრეზიდენტი ოპოზიციასთან კოორდინაციაში იქნება ბევრ საკითხზე, ეს იქნება კარგი, მაგრამ დაუშვებელია, ევროპაში ვიზიტის გამო პრეზიდენტს იმპიჩმენტი გამოუცხადო. მისი თქმით, ის რასაც "ქართული ოცნება" აკეთებს, ნონსენსია.

„რას ამბობენ, რომ საქართველოს არ ჰყავს პრეზიდენტი და მთავრობას დაბლოკილი ჰყავს იმის გამო, რომ რაც ღარიბაშვილს უნდა და კობახიძეს იმას არ ლაპარაკობს?! ასეთი კონსტიტუცია გვაქვს დაწერილი, რომ პრეზიდენტი შინაპატიმრობაშია?! თოჯინაა, ჩაუდებენ ჩიპს, დააჭერენ ღილაკს ხელს და რასაც უნდათ იმას ილაპარაკებს, ასეთი პრეზიდენტი ჰყავს თურმე, საქართველოს, მითუმეტეს, პირდაპირი წესით არჩეული?! არასდროს მხარი არ დამიჭერია ზურაბიშვილისთვის, არ მომწონდა ქართულ - რუსულ ომზე, რუსეთის ოკუპაციაზე მისი განცხადებები, მაგრამ ის, რომ ადამიანი შარლ მიშელს და გერმანიის პრეზიდენტს შეხვდა, ამით როგორ დაარღვია კონსტიტუცია, მე დღემდე ამის განმარტება არ მომისმენია.

ახლა რა თამაშიც წამოიწყეს, რომ ვითომ გადაყენება უნდათ და ვითომ კონსტიტუციას იცავენ, კი არის „ქართული ოცნება" ღირსი, უთხრა, რომ „მოდი, მხარს ვუჭერთ ამ პროცედურას", მერე რას იზამენ?! ხომ დაიხევენ უკან? მდინარაძემ გუშინ ხუთჯერ გაიმეორა, პრეზიდენტი იმედია "ნაციონალური მოძრაობის" და ოპოზიციის შანტაჟს არ დაემორჩილებაო, თვითონ გადაყენებას უპირებენ და პრეზიდენტს ჭკუას ასწავლიან, შანტაჟს არ დაემორჩილოო, ნორმალურები არიან ახლა ესენი?"- განაცხადა მანჯგალაძემ.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი