გარემოს დაცვისა და სოფლის მეურნეობის მინისტრის მოადგილე იური ნოზაძე ავსტრიის დელეგაციას შეხვდა

გარემოს დაცვისა და სოფლის მეურნეობის მინისტრის მოადგილე იური ნოზაძე ავსტრიის რესპუბლიკის სოფლის მეურნეობის, მეტყევეობის, რეგიონული და წყლის მართვის ფედერალური სამინისტროს დელეგაციას შეხვდა.

როგორც სამინისტროს მიერ გავრცელებულ ინფორმაციაშია აღნიშნული, შეხვედრაზე მხარეებმა საქართველოში ტყის სექტორში არსებული ვითარება, გამოწვევები და სამომავლო თანამშრომლობის გზები განიხილეს.

გარემოს დაცვისა და სოფლის მეურნეობის მინისტრის მოადგილემ იური ნოზაძემ ავსტრიის დელეგაციას მხარდაჭერისთვის მადლობა გადაუხადა და აღნიშნა, რომ ავსტრიის მხარდაჭერის შედეგად საქართველოში არაერთი მნიშვნელოვანი პროექტი განხორციელდა.

„ტყის მდგრადი მართვის სისტემის ჩამოყალიბება, რომელიც სოციალურ-ეკონომიკურ ბალანსს და ტყის რესურსების რაციონალურ გამოყენებას უზრუნველყოფს, ძალიან მნიშვნელოვანია. საქართველოში სატყეო სექტორში 2012 წლიდან მასშტაბური რეფორმა განხორციელდა. 2013 წელს საქართველოს პარლამენტმა ეროვნული სატყეო კონცეფცია დაამტკიცა და სატყეო სექტორში არსებულ გამოწვევებთან გამკლავება დავიწყეთ. სახელმწიფოს სტრატეგიული გადაწყვეტილებების შედეგად, 2020 წელს საერთაშორისო პრინციპებზე დაფუძნებული ახალი ტყის კოდექსი მივიღეთ. საქართველოსა და სამხრეთ კავკასიაში პირველად დაიწყო ტყის ეროვნული აღრიცხვა და ტყის შესახებ მუდმივად განახლებული ინფორმაციის მონიტორინგის სისტემის შემუშავებას ჩაეყარა საფძველი. ყველა ჩვენი ქმედების მიზანი, სატყეო სექტორის განვითარებასთან ერთად, არის ჩვენი კანონმდებლობის ევროპულ კანონმდებლობასთან ჰარმონიზაცია და საბოლოო ჯამში, ჩვენი ქვეყნის ასოცირება ევროპის დიდ ოჯახში“, - განაცხადა იური ნოზაძემ.

უწყების ცნობით, ავსტრიის დელეგაციის ხელმძღვანელმა, სოფლის მეურნეობისა და ტყის სამინისტროს ტყის პოლიტიკის დეპარტამენტის უფროსმა გერფრიდ გრუბერიმ საქართველოსა და ავსტრიის ორმხრივი თანამშრომლობის მნიშვნელობას გაუსვა ხაზი და გაეროს სურსათისა და სოფლის მეურნეობის ორგანიზაციასთან (FAO) და ტყეების შესახებ ევროკავშირის ფორუმთან საქართველოს თანამშრომლობის საქმეში პარტნიორობის მზაობა გამოთქვა.

მათივე ინფორმაციით, შეხვედრას გარემოს დაცვისა და სოფლის მეურნეობის სამინისტროს შესაბამისი სამსახურების წარმომადგენლები ესწრებოდნენ.

ლევან ლორთქიფანიძე - დამოუკიდებლობის დღეს ვხვდებით შფოთით, ბრაზით, არასტაბილურობის შეგრძნებით და ბუნდოვანი მომავლით
ქართული პრესის მიმოხილვა 22.05.2025
სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
მორიგი მნიშვნელოვანი პარტნიორობა უძრავი ქონების ბაზარზე
ისარგებლე „სილქნეტის“ 90-დღიანი პაკეტებით მთელი ზაფხული
გადაიხადეთ SOLO MASTERCARD World Elite ბარათით Dressup.ge-ზე და მიიღეთ 40%-იანი „ქეშბექი“
„ფავორიტი სტილის“ ახალი შენობა და ტექნოლოგიური განახლება - კომპანია ახალ ეტაპზე გადადის