გრიგოლ რობაქიძის სახელობის უნივერსიტეტის ბათუმის წარმომადგენლობაში საერთაშორისო დიალოგი გაიმართა

გრიგოლ რობაქიძის სახელობის უნივერსიტეტის ბათუმის წარმომადგენლობაში, აკადემიური და მოწვეული პერსონალისათვის „საერთაშორისო დიალოგი თანამედროვე აკადემიურ სისტემაში არსებული გამოწვევების შესახებ“ გაიმართა. ინფორმაციას აღნიშნულის შესახებ გრიგოლ რობაქიძის უნივერსიტეტი ავრცელებს.

უნივერსიტეტის პრესსამსახურის ცნობით, შეხვედრას ინსბრუკის უნივერსიტეტის პროფესორი, სევერინ ჰორნუნგი უძღვებოდა, რომელმაც მონაწილეებს საკუთარი გამოცდილება ისეთი საკითხების შესახებ გაუზიარა, როგორებიცაა: კრიტიკული აზროვნების განვითარება სწავლის პროცესში, აკადემიური თავისუფლება, სასწავლო პროცესში სტუდენტებთან უკუკავშირის პროცესის მართვა და სხვა.

„სწავლების პროცესში არსებული ძირითადი გამოწვევებისა და მათი გადაჭრის გზების შესახებ გრიგოლ რობაქიძის სახელობის უნივერსიტეტის პროფესორებმაც ისაუბრეს.

შეხვედრის მონაწილეებმა განსაკუთრებული ყურადღება გაამახვილეს ყალბ სიახლეებზე და განიხილეს, თუ როგორ უნდა ასწავლონ სტუდენტებს ვალიდური წყაროების გარჩევა ყალბისაგან. ასევე, როგორ უნდა ინტეგრირდნენ პრაქტიკოსი სპეციალისტები უკეთ სასწავლო პროცესში.

შეხვედრა წარიმართა დიალოგის რეჟიმით, შედარებულ იქნა ავსტრიული და ქართული გამოცდილება, აღინიშნა ორი ქვეყნის საგანმანათლებლო სფეროში არსებული გამოწვევები.

შეხვედრას ესწრებოდნენ გრიგოლ რობაქიძის სახელობის უნივერსიტეტის ბათუმისა და თბილისის წარმომადგენლობის პროფესორები და ამ საკითხებით დაინტერესებული ადამიანები სხვა უნივერსიტეტებიდან.

გრიგოლ რობაქიძის სახელობის უნივერსიტეტი მადლობას უხდის დოქტორ სევერინგ ჰორნუნგს ჩატარებული მეტად საინტერესო და მნიშვნელოვანი შეხვედრისათვის“,- აღნიშნულია ინფორმაციაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)