მაშინ როდესაც ქვეყანაში ყველაფერი გაძვირებულია და საქართველოს მოქალაქეები ქვეყნიდან იმის გამო გარბიან, რომ საკუთარი შვილები არჩინონ, თქვენ გვიწყობთ სპექტაკლს, რასაც საქართველოს პრეზიდენტის იმპიჩმენტი ჰქვია, - ასე გამოეხმაურა „ნაციონალური მოძრაობის“ დეპუტატი ანა წითლიძე საქართველოს პრეზიდენტის, სალომე ზურაბიშვილის იმპიჩმენტის საკითხს საშემოდგომო სესიის პლენარულ სხდომაზე.

მისივე განმარტებით, „ქართულმა ოცნებამ“ კარგად იცის, რომ სალომე ზურაბიშვილის იმპიჩმენტს ერთი შედეგი აქვს და ეს საქართველოს ევროპული არჩევანის ზიანია.

„მაშინ როდესაც ქვეყანაში ყველაფერი გაძვირებულია და საქართველოს მოქალაქეები ქვეყნიდან იმის გამო გარბიან, რომ საკუთარი შვილები არჩინონ, თქვენ გვიწყობთ სპექტაკლს, რასაც საქართველოს პრეზიდენტის იმპიჩმენტი ჰქვია. ძალიან კარგად იცით, რომ ეს სპექტაკლი არაფრის მომტანი არ არის არც საქართველოს მოქალაქეებისთვის და არც აქ, პროცედურულად. ძალიან კარგად იცით, რომ ამ ყველაფერს აქვს მხოლოდ ერთი შედეგი და ამ შედეგს ჰქვია საქართველოს ევროპული არჩევანის ზიანი. თქვენ უნდა იცოდეთ, რომ ეს იქნება ბოლო წელი თქვენთვის, როდესაც თქვენ პასუხისმგებლობის აღება ამ ყველაფერზე არ მოგიწევთ“, - განაცხადა ანა წითლიძემ.