ქართული ჭიდაობის საერთაშორისო ფედერაცია საბერძნეთში ქართულ ჭიდაობაში ევროპის ჩემპიონატს გამართავს

24 სექტემბერს, პირველად ისტორიაში, ქართული ჭიდაობის საერთაშორისო ფედერაცია (IFGW) საბერძნეთში, სალონიკში, ძველ ბერძნულ ამფითეატრში, ქართულ ჭიდაობაში „აბსოლუტურ წონაში“ ევროპის ჩემპიონატს ჩაატარებს.

ფედერაციის ცნობით, ჩემპიონატში მონაწილეობას მიიღებს 25-ზე მეტი ქვეყნის ფალავანი.

„გაიმართება საზეიმო გახსნა, რომელშიც მიიღებენ მონაწილეობას: დამსახურებული მომღერალი, ნატო მეტონიძე, ქართველი პიანისტი, ვალერიან შიუკაშვილი, ბერძენი პიანისტი, ზიზი ნასყიდაშვილი, ქართული ნაციონალური ბალეტი, სუხიშვილების აკადემია, გაიმართება ხრიდოლის წარმოდგენა.

ტურნირი ტარდება საქართველოს კულტურის, სპორტისა და ახალგაზრდობის სამინისტროს მხარდაჭერით.

ევროპის ჩემპიონატში გამარჯვებულები დაჯილდოვდებიან ნამდვილი ოქროს, ვერცხლისა და ბრინჯაოს მედლებითა და ფულადი პრიზით: I ადგილი- 20 000 ევრო; II ადგილი-10 000 ევრო; III ადგილი-5 000 ევრო. ასევე, სხვადასხვა სპონსორებისგან დაწესებული პრიზებით.

ერთ-ერთი სპონსორი- შპს „ოქროს საწმისი“ აწესებს ნამდვილი ოქროსგან დამზადებულ სპეციალურ პრიზს, საკოლექციო ქანდაკებას-„ოქროს საწმისს“. ამ პრიზით დაჯილდოვდება ფალავანი, რომელიც მოიპოვებს ევროპის ჩემპიონის ტიტულს. იგი ქართული ჭიდაობის წეს-ჩვეულებით კისერზე მოკიდებული ყოჩით (ოქროს საწმისით) საჭიდაო მოედანს დაარტყამს წრეს”, - აღნიშნულია ფედერაციის მიერ გავრცელებულ ინფორმაციაში.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი