კახა კალაძე - გვეუბნებიან, თუ ხარ „ოცნების“ მხარდამჭერი არ უნდა მოგეცეს ბიზნესის კეთების უფლება, ანუ საბა ბუაძის ლოგიკით მამუკა ხაზარაძეს უნდა მივადგეთ და დავუნგრიოთ ყველაფერი

გვეუბნებიან, რომ თუ ხარ „ქართული ოცნების“ მხარდამჭერი არავითარ შემთხვევაში არ უნდა მოგეცეს ბიზნესის კეთების უფლება, ანუ საბა ბუაძის ლოგიკით ბატონ მამუკა ხაზარაძეს, რომელსაც საკმაოდ დიდი ბიზნესი აქვს სამშენებლო მიმართულებით და ლისის მიმდებარე ტერიტორიების განაშენიანებას ახორციელებს კანონიერად, უნდა მივადგეთ და ჩამოვართვათ ყველაფერი, უნდა დავუნგრიოთ ყველაფერი - ეს არის საბა ბუაძისეული აზროვნება და ჩვეულებრივი საბა ბუაძეები არიან, არ იფიქროთ სხვას ვინმეს, მასზე მეტი აზროვნება შეეძლოს, ან გონივრული შესაძლებლობა ჰქონდეს, ყველა ერთნაირია, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

კალაძის თქმით, ბიზნესს და ბიზნესის წარმომადგენლებს პარტიული კუთვნილების მიხედვით არ არჩევენ და მთავარია, კანონი იყოს დაცული.

„მინდა შევეხო ე.წ. სამშენებლო აჟიოტაჟს, რომელიც ოპოზიციის მხრიდან იყო წინა კვირის განმავლობაში ატეხილი. ეს ყველაფერი მიზანმიმართულად ხდება იმისთვის, რომ მოხდეს აღნიშნული მიმართულების დისკრედიტაცია, რომ საზოგადოება შეიყვანონ შეცდომაში, რომ თურმე დედაქალაქი ინგრევა, რომ არაფერი სასიკეთო არ კეთდება. ისეთი კამპანია აქვთ, რომ თითქოს მშენებლობა და განვითარება ერთგვარი დანაშაულია და თან ვინ არიან ეს ადამიანები?! თუკი რაიმე უბედურება დაემართა ჩვენ ქალაქს ამ ადამიანების დამსახურებაა და მათი მმართველობის პერიოდში მოხდა ეს ყველაფერი. თქვენ იცით, რომ გენგეგმა დამტკიცებულია და გენგეგმის შესაბამისად ხდება დედაქალაქის განვითარება. შესაბამისად, ერთ-ერთი კომპონენტი, რომელსაც გენგეგმა გვეუბნება ეს არის - მოხდეს ქალაქის ცენტრში არსებული სივრცეების განაშენიანების რეგულირების გეგმით დამტკიცება და მათი განაშენიანება. ყველა ის პროექტი, რომელიც წარმოდგენილი იყო საკრებულოში ყველა არის გრგ, სადაც ნებისმიერ პროფესიონალ ადამიანს შეუძლია ჩაიხედოს და ნახოს - რა მოთხოვნებია ჩვენი მხრიდან და რა ვალდებულებები აქვთ ინვესტორებს, მაგრამ ეს არ აინტერესებს, არის მხოლოდ და მხოლოდ პოლიტიკური ნარატივი, რომ მშენებლობა ცუდია, დაუშვებელია, დანაშაულია. არის ნარატივი, რომ კონკრეტული სამშენებლო კომპანიები არის „ქართული ოცნების“ შემომწირველები, მხარდამჭერები და როგორ შეიძლება „ქართული ოცნების“ მხარდამჭერმა განახორციელოს აღნიშნული პროექტები. ეს არის „ნაცური“ ნარატივი, „ნაცურსაც“ ვერ დავარქმევ ეს არის ლიბერალიზმით შენიღბული ფაშიზმი, რომელიც, სამწუხაროდ, დღეს გვაქვს ქვეყანაში და ყველა მოაზროვნე ადამიანი ვისაც რეალურად მართლა სურვილი აქვს ამ ქვეყნის ევროპული მომავლის უნდა ვებრძოლოთ ამ ყველაფერს. ეს ფაშიზმი გვეუბნება და გვეუბნებიან, რომ თუ ხარ „ქართული ოცნების“ მხარდამჭერი არავითარ შემთხვევაში არ უნდა მოგეცეს უფლება ბიზნესის კეთების, ანუ საბა ბუაძის ლოგიკით უნდა მივადგეთ და გავუშვათ ჩვენი შესაბამისი სამსახურები, ბატონ მამუკა ხაზარაძეს, რომელსაც საკმაოდ დიდი ბიზნესი აქვს სამშენებლო მიმართულებით და ლისის მიმდებარე ტერიტორიების განაშენიანებას ახორციელებს კანონიერად, უნდა მივადგეთ და ჩამოვართვათ ყველაფერი, უნდა დავუნგრიოთ ყველაფერი - ეს არის საბა ბუაძისეული აზროვნება და ჩვეულებრივი საბა ბუაძეები არიან, არ იფიქროთ სხვას ვინმეს მასზე მეტი აზროვნება შეეძლოს, ან გონივრული შესაძლებლობა ჰქონდეს, ყველა ერთნაირია.

აი, ეს არის მათი აზროვნება და როდესაც ისინი ხელისუფლებაში იყვნენ ზუსტად ამ დამოკიდებულებით იყვნენ და დღეს იმასაც ვერ იაზრებთ რატომ ხართ იქ სადაც ხართ და როგორც ხართ და მერწმუნეთ, ასე იქნებით ყოველთვის, სანამ ვერ გააკეთებთ სწორ ანალიზს და სწორ დასკვნებს რა უბედურება მოუტანეთ, პირველ რიგში ხალხს, ჩვენს ქვეყანას და ქვეყნის ხვალინდელ დღეს. დღესაც იმყოფებით ოპოზიციაში და აჩვენებთ ყველას, როგორი არ უნდა იყოს ოპოზიცია და ოპოზიციონერი.

ჩვენ, რა თქმა უნდა, ბიზნესს და ბიზნესის წარმომადგენლებს არ ვარჩევთ პარტიული კუთვნილების მიხედვით, ჩვენთვის მთავარია დავიცვათ კანონი და ის რეგულაციები, რომელიც მნიშვნელოვანია ამ ქალაქის ხვალინდელი დღისთვის“, - განაცხადა კახა კალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024