ანა ნაცვლიშვილი - მაშინ, როცა პრემიერი, მისი ამფსონები, ხელის ბიჭები და გოგოები გვარწმუნებენ, რომ დასავლეთი ცუდია და აშშ ჩვენს ეროვნულ იდენტობას საფრთხეს უქმნის, რაღა მაინც და მაინც აშშ-სკენ მიისწრაფვის?!

მაშინ, როცა პრემიერი, მისი ამფსონები, ხელის ბიჭები და ხელის გოგოები გვარწმუნებენ, რომ დასავლეთი ცუდია, აშშ ჩვენს ეროვნულ იდენტობას საფრთხეს უქმნის, რაღა მაინც და მაინც აშშ-სკენ მიისწრაფვის?! - ასე ეხმიანება „ლელოს“ დეპუტატი ანა ნაცვლიშვილი გავრცელებულ ინფორმაციას, რომ ირაკლი ღარიბაშვილის აშშ- ში კერძო ვიზიტით, ჩარტერული რეისით იმყოფებოდა.

ნაცვლიშვილის თქმით, სწორი იქნებოდა ამაზე თავად პრემიერს ესაუბრა საჯაროდ, თუმცა, სავარაუდოდ, ის ხვდება, ეს არ არის ფაქტი, რომლითაც შეიძლება თავი მოიწონო ქვეყანაში, სადაც ადამიანებს არსებობისთვის ბრძოლა უწევთ.

„მაღალი სტანდარტი და სწორი მოქმედება იქნებოდა, თავად ესაუბრა ამის შესახებ საჯაროდ და ღიად, თუ არაფერია დასამალი, ამაზე თავად თანამდებობის პირები უნდა საუბრობდნენ ხოლმე, მაგრამ როგორც ვხედავთ, ის ხვდება, რომ ეს არ არის ფაქტი, რომლითაც შეიძლება თავი მოიწონო ქვეყანაში, სადაც ადამიანებს ყოველდღიური ლუკმა-პურისთვის უწევთ ბრძოლა. ამიტომ მალავდნენ ამ ფაქტს. ვფიქრობ, ღარიბაშვილს, პირველ რიგში, მართებს პასუხები ათასობით ქართველი სტუდენტის მიმართ, რომელიც არათუ ვერ ახერხებს აშშ-ის ყველაზე პრესტიჟულ სასწავლებელში მიიღოს განათლება, არამედ წლებია შეჩერებული აქვს სტატუსი ბინის ქირის და სწავლის საფასურის ვერგადახდის გამო. რაც მთავარია მნიშვნელოვანი კითხვა, რომელიც მას დავუსვი და რომელზეც პასუხი არ აქვს და იყო მხოლოდ ისტერია მას და მისი ტროლ-ბოტების მთელი ფერმის. მაშინ როცა პრემიერი, მისი ამფსონები, ხელის ბიჭები და ხელის გოგოები გვარწმუნებენ, რომ დასავლეთი ცუდია, აშშ ჩვენს ეროვნულ იდენტობას საფრთხეს უქმნის და ა.შ. რაღა მაინც და მაინც აშშ-სკენ მიისწრაფვის, რატომ მოსკოვში ან პეტერბურგში არ უშვებს შვილს, როცა მენტალურად ამბობს, რომ იქ ჯობია და კარგია?! მაშინ რატომ მიისწრაფვის დასავლური ცივილიზაციისკენ?!“ - განაცხადა ნაცვლიშვილმა.

ინფორმაციისთვის, პრემიერ-მინისტრ ირაკლი ღარიბაშვილის აშშ-ში განხორციელებულ ვიზიტთან დაკავშირებით მთავრობის სტრატკომმა განცხადება გაავრცელა, სადაც აღნიშნულია, რომ მიზანმიმართულად ვრცელდება ცრუ ინფორმაცია იმის შესახებ, რომ ირაკლი ღარიბაშვილი შვილთან ერთად აშშ-ში თითქოსდა ჩარტერული რეისით გაემგზავრა. სტრატკომი განმარტავს, რომ საუბარი იყო ჩარტერულ ფრენაზე, რომელიც განხორციელდა თბილისიდან ევროპის ერთ-ერთი ქალაქის მიმართულებით, ხოლო აშშ-ის მიმართულებით პრემიერ-მინისტრი რეგულარული რეისით გაემგზავრა.

„კერძო ვიზიტისას პრემიერ-მინისტრის მგზავრობის, ასევე ჩარტერული (კომერციული) რეისის თუ ნებისმიერი სხვა ხარჯი სახელმწიფო ბიუჯეტიდან არ გაწეულა“, - აღნიშნულია განცხადებაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)