კახა კალაძე „დროას“ და „გირჩი - მეტი თავისუფლების“ გაერთიანებაზე - ერთი მკვდარი მეორე მკვდარს აეკიდა, რა წარმატებაზეა საუბარი?!

ჩვენ ბევრჯერ გვინახავს ასეთი გაერთიანებები. ერთი მკვდარი მეორე მკვდარს აეკიდა, ზოგადად, რა წარმატებაზეა საუბარი?! - ასე გამოეხმაურა თბილისის მერი, კახა კალაძე პარტიების „დროას“ და „გირჩი - მეტი თავისუფლების“ 2024 წლის საპარლამენტო არჩევნებისთვის გაერთიანებას.

როგორც კალაძემ აღნიშნა, ამ პარტიების გაერთიანებით ახალი არაფერი მოხდება.

„ზოგადად, რა წარმატებაზეა საუბარი?! არაფერი მოხდება, კიდევ ერთხელ ვიმეორებ. ბევრჯერ გვინახავს ასეთი გაერთიანებები და საბოლო შედეგი რა იყო, ყველას გვახსოვს, იგივე იქნება ამ შემთხვევაშიც“, - განაცხადა კალაძემ.

რაც შეეხება ელენე ხოშტარიას განცხადებას, რომ „ქართული ოცნება“ არის რუსული ხელისუფლება, კალაძემ აღნიშნა, რომ პარტია „დროა“ რუსეთისგან თავად ფინანსდება.

„საოცრებაა ეს ფაქტიც. ადამიანი რუსეთისგან თვითონ იღებს დაფინანსებას და დღევანდელ ხელისუფლებას რუსულს ეძახის, რომელთანაც პირდაპირ დაკავშირებულია ევროინტეგრაციის ის წარმატებული ნაბიჯები და წარმატება, რომელიც 2012 წლის შემდეგ მოხდა და ქვეყანამ მიაღწია. ეს ყველაფერი „ქართულ ოცნებასთან“ ასოცირდება. შესაბამისად, მათი პროპაგანდა, თითქოს საქართველოს ხელისუფლება არის პრორუსული, არის ძალიან დიდი სიცრუე. საქართველოს ხელისუფლება არის პროქართული. იცავს ჩვენი ქვეყნის, ამ ქვეყანაში მცხოვრები ადამიანების ინტერესებს და ეს დამოკიდებულება მომავალშიც გაგრძელდება. ჩვენ არ გადავდგამთ ისეთ ნაბიჯს, ვისი მხრიდანაც არ უნდა იყოს მოთხოვნა, ზეწოლა, რომელიც თავიდანვე ვიცით, რომ შეიძლება დამაზიანებელი იყოს ამ ქვეყნისთვის და მისი მომავლისთვის“, - განაცხადა კალაძემ.

ლევან ალაფიშვილი - „ქართული ოცნება“ ერთი მხრივ დემოკრატიულ ინსტიტუტებზე ახდენს თავდასხმას, ხოლო მეორე მხრივ რეპრესიულ მექანიზმებს აძლიერებს
მირიან  მირიანაშვილი - ტრამპს არ მიეცემა საშუალება და ეს დღეს თვალნათლივ ჩანს, რუსეთთან პოლიტიკური ზავი იმდაგვარ ფორმატში დაიდოს, რომელიც რაიმენაირად ზიანს მიაყენებს უკრაინაში დასავლეთის ინტერესებს
ქართული პრესის მიმოხილვა 22.05.2025
ნატო ჩხეიძე თეა წულუკიანს და საგამოძიებო კომისიას პასუხობს
ნატალია ქუთათელაძის გზა პირველი ყულაბიდან ფინანსურ სტაბილურობამდე - „ხალიკ ბანკი ყველაზე დიდი ყაზახური ფინანსური ინსტიტუტია საქართველოში - შესაბამისად, როცა საქმე ანაბარს ეხება, დარწმუნებული ვარ, რომ ჩემი ფინანსები სანდო ხელშია“
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის