ვხედავთ, რომ ხელისუფლება და მთავრობა ხელს უშლის კანდიდატის სტატუსის მიღებას. როდესაც ევროპა მზად არის, რომ ეს სტატუსი მოგვცეს, ვხედავთ, რომ ყველაფერი კეთდება იმისთვის, რომ გაჩერდეს ეს პროცესი , - ამის შესახებ „რონდელის ფონდის" ევროპული კვლევების ცენტრის დირექტორმა, კახა გოგოლაშვილმა პლატფორმა “საქართველოს ევროპული ორბიტის” საჯარო შეხვედრაზე სიტყვით გამოსვლისას განაცხადა.
მისივე თქმით, ის ცდილობს, ყველას მიაწვდინოს ხმა კანდიდატის სტატუსის მონიჭების მნიშვნელობაზე.
როგორც მან აღნიშნა, ქვეყნისთვის კანდიდატის სტატუსი მნიშვნელოვანია.
“მგონია, რომ დღეს სიტყვა პატრიოტი და ჭირისუფალი საქართველოსი იგივეა, რაც ევროპული ინტეგრაციის მომხრე და ადამიანი, რომელიც ყველაფერს გაიღებს, იმისთვის, რომ ხელი შეუწყოს საქართველოს ევროპაში ინტეგრაციას.
ვხედავთ, რომ ხელისუფლება და მთავრობა ხელს უშლის კანდიდატის სტატუსის მიღებას. როდესაც ევროპა მზად არის, რომ ეს სტატუსი მოგვცეს, ვხედავთ, რომ ყველაფერი კეთდება იმისთვის, რომ გაჩერდეს ეს პროცესი… შეიძლება მზად არ ვართ ბოლომდე ამ სტატუსისთვის, იმიტომ რომ ვერ შევასრულეთ რაღაც დავალებები, მაგრამ ჩვენი მომავლისთვის ეს აუცილებელია, ჩვენ უფრო ვიბრძოლებთ, უფრო მობილიზებულები ვიქნებით, ჩვენ ვიქნებით უფრო მზად“, - აღნიშნა გოგოლაშვილმა.
