ნიკოლოზ სამხარაძე - დიდი იმედი გვაქვს, რომ ოქტომბერსა და შემდეგ დეკემბერში ევროკავშირი საქართველოსთან დაკავშირებით დადებით გადაწყვეტილებას მიიღებს და ამის თაობაზე ჩვენ ბორელისგან მოვისმენთ
ჩვენ დიდი იმედი გვაქვს, რომ ოქტომბერში და შემდეგ დეკემბერში ევროკავშირი საქართველოსთან დაკავშირებით დადებით გადაწყვეტილებას მიიღებს და ამის თაობაზე ჩვენ ბორელისგან მოვისმენთ, - ეს განცხადება პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ გააკეთა.
სამხარაძე ირწმუნება, რომ საქართველოს ხელისუფლება მოწოდების სიმაღლეზეა და ევროკომისიის რეკომენდაციების უდიდესი უმრავლესობა შესრულებულია.
„რეკომენდაციების ნაწილის შესრულება პრაქტიკის გაუმჯობესებას მოითხოვს. რაც საკანონმდებლო კუთხით იყო გასაუმჯობესებელი, ჩვენ ყველაფერი გავაკეთეთ. ეს არის განგრძობადი პროცესი. შესაბამისად, ყველაზე სუსტად შესრულებულია დეპოლარიზიციის რეკომენდაცია. დეპოლარიზაციას ყველა მოთამაშის თანხმობა სჭირდება, რაც ასე არ არის“, - განაცხადა ნიკოლოზ სამხარაძემ.
პარლამენტში, პარლამენტის თავმჯდომარე შალვა პაპუაშვილი, კოლეგებთან ერთად, საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელს ჯოზეფ ბორელს ხვდება.
v-if="article.gallery" v-html="article.gallery"
