ირაკლი ღარიბაშვილმა გურიაში სტიქიის შედეგად გარდაცვლილი არასრულწლოვნის ოჯახს მიუსამძიმრა

საქართველოს პრემიერ-მინისტრმა ირაკლი ღარიბაშვილმა გურიაში სტიქიის შედეგად გარდაცვლილი არასრულწლოვნის ოჯახს მიუსამძიმრა.

ამის შესახებ ღარიბაშვილმა მთავრობის ადმინისტრაციაში გამართულ ბრიფინგზე ისაუბრა.

„მინდა მთავრობის სახელით სამძიმარი ვუთხრა გურიაში გარდაცვლილი არასრულწლოვნის ოჯახს. ეს ნამდვილად დიდი ტრაგედიაა“, - განაცხადა პრემიერმა.

შეგახსენებთ, რომ შინაგან საქმეთა სამინისტროს ინფორმაციით, ოზურგეთის მუნიციპალიტეტის სოფელ ჯუმათში ერთი არასრულწლოვნის ცხედარი იპოვეს, დაკარგული 2 პირის მიმართ კი, გრძელდება საძიებო სამუშაოები.

უწყების ცნობით, გურიის რეგიონში მოსული უხვი ნალექის გამო, ადიდებულია მდინარეების კალაპოტები, ჩამოწოლილია მეწყერი, დაზიანებულია საცხოვრებელი სახლები, ხიდები და სოფლებთან დამაკავშირებელი გზები.

მათივე ინფორმაციით, სტიქიის ადგილებზე შინაგან საქმეთა სამინისტროს სხვადასხვა დანაყოფების წარმომადგენლები იმყოფებიან, ასევე, მობილიზებულია შესაბამისი ტექნიკა და აქტიურ რეჟიმში მიმდინარეობს სამუშაოები.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი