ნინო ჩხობაძე - პრობლემა, რომელიც ახლა ჩვენს წინაშეა, ისევ და ისევ გამომდინარეობს გლობალური მასშტაბით კლიმატის ცვლილებიდან და ჩვენ აღმოვჩნდით მოუმზადებელი ასეთ სტიქიასთან ბრძოლისთვის

გურიაში დიდი ხანია დაკვირვება მიმდინარეობს სპეციალისტების მხრიდან და კლიმატის ცვლილების შედეგად კატასტროფული მდგომარეობაა, მეწყერსაშიში ზონები გააქტიურებულია და საშინელი მდგომარეობაა, - ამის შესახებ „მწვანეთა მოძრაობის" თავმჯდომარე ნინო ჩხობაძემ „პალიტრანიუსის“ გადაცემა „360 გრადუსში“ განაცხადა.

ნინო ჩხობაძის თქმით, პრობლემა, რომლის წინაშეც საქართველოა, გლობალური მასშტაბით კლიმატის ცვლილებიდან გამომდინარეობს.

„გარდა ამისა თურქეთში იყო ძალიან ძლიერი ნალექი და ეს ნალექი ციკლონის სახით მოედინება აქეთ. ფაქტია, რომ ისედაც მყიფე გეოლოგიურ მდგომარეობაში, რაც ძალიან პრობლემატურია, რა თქმა უნდა, წარმოიშვა წყალდიდობა და არის ძალიან სერიოზული მომენტი.

პრობლემა, რომელიც ახლა ჩვენს წინაშეა, ისევ და ისევ გამომდინარეობს გლობალური მასშტაბით კლიმატის ცვლილებიდან და ჩვენ აღმოვჩნდით საერთოდ მოუმზადებელი ასეთ სტიქიასთან ბრძოლისთვის“, - განაცხადა ნინო ჩხობაძემ.

ჩხობაძის განმარტებით, ყველგან, სადაც მშენებლობები მიმდინარეობს, რაღაც ტექნიკური დათვალიერებები უნდა მოხდეს, რადგან კლიმატის ცვლილებების ფონზე საფრთხეები გაზრდილია.

„ჩვენ თუ ერთხელ და სამუდამოდ ვერ დავიმახსოვრეთ, რომ ნაპირების პირველ ტერასაზე მშენებლობა უნდა აიკრძალოს დირექტიულად და მკაფიოდ, ჩვენ ვერასოდეს ვერ გავალთ ფონს. ფაქტობრივად, ყველგან რაღაც ტექნიკური დათვალიერებები უნდა მოხდეს, სადაც ვიღაც რაღაცას აშენებს, აშენებდა ან ააშენა. შეიძლება დიდი ხნის წინ იყოს აშენებული, მაგრამ სიტუაცია ცვლადია და მოითხოვს გადახედვას იმიტომ, რომ კლიმატის ცვლილების ფონზე საფრთხეები იცვლება“, - განაცხადა ნინო ჩხობაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024