ჩვენ თავიდანვე გავაკეთეთ განცხადება, რომ რთული იქნებოდა იმპიჩმენტის ბოლომდე მიყვანა. ჩვენი მხრიდან რეაგირების მოხდენა საჭირო და აუცილებელი იყო,-ამის შესახებ დედაქალაქის მერმა, კახა კალაძემ განაცხადა.
კალაძის თქმით, პრეზიდენტის მიერ კონსტიტუციის დარღვევის რეაგირების გარეშე დატოვება ძალიან მძიმე იქნებოდა.
„ჩვენ თავიდანვე გავაკეთეთ განცხადება, რომ რთული იქნებოდა იმპიჩმენტის ბოლომდე მიყვანა იმიტომ, რომ საკმარისი ხმები არ არსებობს. თუმცა, აღნიშნული საკითხის რეაგირების გარეშე დატოვება ძალიან მძიმე იქნებოდა, საუბარია, კონსტიტუციის დარღვევაზე, თან მაღალი თანამდებობის პირის მხრიდან. შესაბამისად, ჩვენი მხრიდან რეაგირების მოხდენა საჭირო და აუცილებელი იყო“,- აღნიშნა კალაძემ.