კახა კალაძე - დავით კეზერაშვილი მაქსიმალურად ცდილობს, თავისი კრიმინალური ქმედებები შეფუთოს ტელევიზიით და პოლიტიკაში ჩართულობით

თბილისის მერის, კახა კალაძის განცხადებით, დავით კეზერაშვილი მაქსიმალურად ცდილობს, თავისი კრიმინალური ქმედებები შეფუთოს ტელევიზიით, პოლიტიკაში ჩართულობით და კონკრეტული პოლიტიკური პარტიების დაფინანსებით, რათა ე.წ. ლობისტები ჰყავდეს. ამის შესახებ კალაძემ ჟურნალისტებს შესაბამისი კითხვის საპასუხოდ განუცხადა.

„რაც შეეხება მის გააქტიურებას, ის მაქსიმალურად ცდილობს, თავისი კრიმინალური ქმედებები შეფუთოს ტელევიზიით, პოლიტიკაში ჩართულობით, კონკრეტული პოლიტიკური პარტიების დაფინანსებით, რომ მას ჰყავდეს ე.წ. ლობისტები. თქვენ ნახეთ, როგორც კი გააქტიურდება გამოძიება, მაგალითად, როგორც კი დაიდო „ბიბისის“ ჟურნალისტური გამოძიების შედეგები, მაშინვე იწყებენ საუბარს, რომ ეს არის პოლიტიკური ზეწოლა. რა შუაშია პოლიტიკა, როდესაც ადამიანს კრიმინალი აქვს ჩადენილი და ცდილობს, პოლიტიკით და ტელევიზიით შეფუთოს ეს ყველაფერი“, - განაცხადა კახა კალაძემ.

მისივე თქმით, „ბიბისის“ ჟურნალისტური გამოძიების შედეგების გასაჯაროებამდე საქართველოს შესაბამისი სამსახურები საუბრობდნენ, რომ კეზერაშვილი და მისი დაჯგუფება ევროპელ პენსიონერებს ძარცვავდა.

„აღნიშნულ საკითხს რაც შეეხება, მე ვფიქრობ, აბსოლუტურად ყველაფერი ნათელია. ვიდრე „ბიბისის“ ჟურნალისტური გამოძიება დაიწყებოდა და დაიდებოდა კონკრეტული შედეგები, ჩვენი შესაბამისი სამსახურები საუბრობდნენ აღნიშნულ პრობლემაზე, საუბრობდნენ იმაზე, რომ მისი და მისი დაჯგუფების მხრიდან მიმდინარეობდა ევროპელი პენსიონერების ძარცვა და ეს დადასტურდა ამ გამოძიებითაც. მე როგორც ვიცი, გამოძიება მიმდინარეობს ევროპის სხვადასხვა ქვეყანაში და ვფიქრობ, უნდა დაველოდოთ შედეგებს“, - განაცხადა კახა კალაძემ.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ლელა ჯანაშვილი - „პერსონალურ მონაცემთა დაცვის შესახებ“ ახალი კანონი მნიშვნელოვანია კანონმდებლობის ევროპულ სტანდარტებთან დაახლოებისთვის - ის არსებითად გააუმჯობესებს პერსონალურ მონაცემთა დამუშავების პროცესსა და ზედამხედველობას
ქართული პრესის მიმოხილვა 02.10.2023
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა