მიხეილ დაუშვილი - ერთის მხრივ, „ქართულ ოცნებას“ დაწყებული აქვს ყალბი იმპიჩმენტი პრეზიდენტის წინააღმდეგ, ამ დროს ოპოზიცია გვეუბნება, რომ პრემიერის წინააღმდეგ მეორე ყალბი იმპიჩმენტი დავიწყოთ

პირდაპირ გავაკეთებ შედარებას, გაიხსენეთ, გიორგი გახარიას პერიოდი - ან მანქანების ყიდვა, ან ფრენები, რაიმე ერთი მისხალი ფაქტი გახსენდებათ, როდესაც კითხვა გაჩნდა, რომ გახარიამ ხალხის მიერ გადახდილი ფული რაიმე ფორმით გაფლანგა? - ასეთი რაიმე გსმენიათ?! - ეს განცხადება ჟურნალისტებთან პარტია "საქართველოსთვის" დეპუტატმა მიხეილ დაუშვილმა გააკეთა.

დაუშვილის თქმით, პრემიერმა ღარიბაშვილმა აშშ-ში მის კერძო ვიზიტთან დაკავშირებულ კითხვებს პასუხი უნდა გასცეს, თუ როგორ შესრულდა ფრენა - რა ფულითა და სახსრებით, როგორ დაფინანსდა ჩარტერული რეისი, რაც მისივე შეფასებით, ფუფუნების მომსახურებაა.

დაუშვილი იმასაც ამბობს, რომ პარლამენტში რიგით მეორე იმპიჩმენტის წამოწყება, ამჯერად პრემიერის წინააღმდეგ, შედეგს ვერ მოიტანს, ევროინტეგრაციის პროცესს კი დააზიანებს.

„ერთის მხრივ, "ქართულ ოცნებას" დაწყებული აქვს ყალბი იმპიჩმენტი პრეზიდენტის წინააღმდეგ, რითაც ქვეყნის ევროინტეგრაციის პროცესს აზიანებს. ამ დროს ოპოზიცია გვეუბნება, რომ პრემიერის წინააღმდეგ მეორე ყალბი იმპიჩმენტი დავიწყოთ. ეს პროცესი ყალბია, რადგან მას შედეგი ვერ ექნება. პარლამენტში იმპიჩმენტის განხორციელების რესურსი უბრალოდ არ არსებობს.

შეიძლება იმპიჩმენტი ბევრ საკითხზეა განსახორციელებელი, მაგრამ მთავარი ისაა, რომ დღეს, როცა "ქართული ოცნება" ქვეყნის ევროინტეგრაციის პროცესს აზიანებს, დაუშვებელია, ოპოზიცია ისევე მოიქცეს, როგორც ხელისუფლება იქცევა და პრემიერის წინააღმდეგ იმპიჩმენტის დაწყებით ანალოგიურად შეუშალოს ხელი ევროინტეგრაციის პროცესს", - განაცხადა დეპუტატმა მიხეილ დაუშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024